चैतन्य सम्बाददाता, Author at Chaitanya News - Page 1061 of 1150
  • 2026-11-20
  • 07:07:47
  • शुक्रबार,मंसिर ०५, २०८३

About Author

सन्दीपलाई थप दुई दिन हिरासतमा राख्न अदालतको अनुमति

काठमाडौँ, कार्तिक ६ । सन्दीप लामिछानेलाई थप दुई दिन हिरासतमा राख्न काठमाडौं जिल्ला अदालतले अनुमति दिएको छ । प्रहरी वृत्त गौशालाले अनुसन्धान नसकिएको भन्दै उनलाई थप हिरासतमा राख्न आइतबार अदालतसँग अनुमति मागेको थियो । प्रहरीले अनुसन्धान सकाएपछि प्रतिवेदन जिल्ला सरकारी वकिल कार्यालय काठमाडौंसमक्ष पेस गर्ने छ । त्यसपछि थुनछेकको बहसको काम सुरू हुने बताइएको छ । असोज २० गते त्रिभुवन अन्तर्राष्ट्रिय विमानस्थलबाट पक्राउ परेका सन्दीपमाथि प्रहरीले असोज २० बाटै पहिलोपटक गत असोज २४ मा सात दिनको म्याद थप गरेको थियो । दोस्रोपटक असोज २७ मा पाँच दिनको म्याद थप गरेको थियो भने गत बुधबार उनलाई थप चार दिनको अनुमति पाएको थियो । राष्ट्रिय क्रिकेट टिमका पूर्वकप्तानसमेत रहेका लामिछानेमाथि भदौ ५ गते काठमाडौंको एक होटलमा नाबालिगलाई पटक(पटक बलात्कार गरेको आरोप लागेको थियो । काठमाडौंको प्रहरी वृत्त गौशालामा भदौ २१ गते उनीविरूद्ध जाहेरी परेको थियो ।

News by सन्दीपलाई थप दुई दिन हिरासतमा राख्न अदालतको अनुमति :