चैतन्य सम्बाददाता, Author at Chaitanya News - Page 251 of 1151
  • 2026-11-21
  • 10:48:42
  • शनिबार,मंसिर ०६, २०८३

About Author

‘सुशासन प्रवर्द्धन र तीव्र आर्थिक विकास सरकारको प्राथमिकतामा’: परराष्ट्र मन्त्री खनाल

काठमाडौँ– परराष्ट्र मन्त्री शिशिर खनालले वर्तमान सरकार सुशासन प्रवर्द्धन र द्रुत आर्थिक विकासलाई मुख्य कार्यसूची बनाएर अघि बढिरहेको स्पष्ट पारेका छन्। आज (बिहीवार) ललितपुरमा आयोजित विकाससम्बन्धी छलफल कार्यक्रममा बोल्दै उनले मुलुकको समृद्धि र परिवर्तनप्रतिको नागरिक अपेक्षालाई सम्बोधन गर्न सबै सरोकारवाला पक्षबीच समन्वय आवश्यक रहेको बताए। मन्त्री खनालका अनुसार दिगो विकास र राष्ट्रिय रूपान्तरणका लक्ष्य हासिल गर्न परम्परागत कार्यशैलीभन्दा बाहिर निस्केर नयाँ दृष्टिकोण र प्रभावकारी रणनीति अपनाउनुपर्ने आवश्यकता छ। उनले विकास साझेदारीलाई दीर्घकालीन र परिणाममुखी बनाउनेतर्फ सरकार केन्द्रित रहेको पनि उल्लेख गरे। उनले अन्तर्राष्ट्रिय विकास साझेदारहरूसँगको सहकार्यलाई राष्ट्रिय हित अनुकूल उपयोग गर्दै नेपालको प्राथमिकता र आवाजलाई क्षेत्रीय तथा बहुपक्षीय मञ्चहरूमा प्रभावकारी रूपमा प्रस्तुत गर्न सरकार सक्रिय रहेको जानकारी दिए। मन्त्री खनालले नागरिकका आकांक्षा परिवर्तन हुँदै गएको उल्लेख गर्दै ती अपेक्षालाई पूरा गर्न नयाँ ऊर्जा र आधुनिक कार्यशैली आवश्यक रहेको धारणा राखे। उनले सरकार एआइएनसँग सहकार्य विस्तार गर्दै साझा विकास लक्ष्य हासिल गर्न प्रतिबद्ध रहेको पनि बताए। त्यस्तै, स्थानीय सरकारलाई सबल बनाइए मात्र सामाजिक संस्थाहरूको कार्य प्रभावकारी हुने भन्दै उनले समन्वयात्मक शासन प्रणालीमा जोड दिए। विकास साझेदार संस्थाहरूले नेपालको दिगो शान्ति, विकास र समृद्धिलाई केन्द्रमा राखेर काम गर्नुपर्ने उनको भनाइ थियो।

News by ‘सुशासन प्रवर्द्धन र तीव्र आर्थिक विकास सरकारको प्राथमिकतामा’: परराष्ट्र मन्त्री खनाल :