चैतन्य सम्बाददाता, Author at Chaitanya News - Page 29 of 1152
  • 2026-11-22
  • 12:20:58
  • आइतबार,मंसिर ०७, २०८३

About Author

चक्रवातको असर हटेपछि मौसममा सुधार, अब देशभर घाम लाग्ने

काठमाडौँ– अर्नब चक्रवातको प्रभाव कमजोर हुँदै गएपछि नेपालमा मौसम क्रमशः अनुकूल बन्न थालेको छ। वर्षा र बदलीको अवस्था हट्दै जाँदा आगामी दिनमा देशका अधिकांश भूभागमा घाम लाग्ने र मौसम सफा हुँदै जाने मौसम पूर्वानुमान महाशाखाले जनाएको छ। मौसमविद् सञ्जीव अधिकारीका अनुसार आइतबारदेखि नै मौसममा उल्लेखनीय सुधार देखिएको छ। पछिल्लो २४ घण्टामा मकवानपुर, सिन्धुली, सिन्धुपाल्चोक र सुर्खेतका एक–दुई स्थानमा सामान्य वर्षा भए पनि अन्य क्षेत्रमा उल्लेख्य वर्षा भएको छैन। आइतबार बिहान तराईका विभिन्न भूभागसँगै काठमाडौँ र पोखराका उपत्यकामा बाक्लो हुस्सु तथा कुहिरो लागेको थियो। तर घाम लागेसँगै हुस्सु क्रमशः हट्दै गएको छ। लुम्बिनी प्रदेशको तराई क्षेत्रमा देखिएको हुस्सु पनि चाँडै हट्ने विभागको अनुमान छ। आइतबार दिउँसो पहाडी तथा हिमाली क्षेत्रमा आंशिक बदली रहे पनि समग्र मौसम अनुकूल रहनेछ। ती क्षेत्रका करिब १० प्रतिशत स्थानमा मात्रै हल्का वर्षा र हिमपातको सम्भावना रहेको मौसमविद् अधिकारीले बताए। रातिको समयमा पूर्वी नेपालमा मौसम थप सफा हुने र पश्चिमका थोरै स्थानमा मात्र हल्का वर्षा वा हिमपात हुन सक्नेछ। सोमबार पनि देशभरको मौसम सामान्यतया सफा रहने पूर्वानुमान छ। बिहान तराई, उपत्यका र खोँचहरूमा लाग्ने हुस्सु आइतबारको तुलनामा कम हुने र छिट्टै हट्नेछ। दिउँसो हिमाली, पहाडी तथा लुम्बिनी प्रदेशको तराईका एक–दुई स्थानमा छिटपुट वर्षा हुन सक्ने भए पनि साँझदेखि मौसम थप खुल्नेछ। चक्रवातको प्रभाव पूर्ण रूपमा हट्दै गएपछि मौसम पूर्वानुमान महाशाखाले आगामी पाँच दिनका लागि हरियो रङको चेतावनी जारी गरेको छ। यसले मौसमका कारण हुन सक्ने प्रतिकूल प्रभावको जोखिम न्यून रहेको संकेत गर्छ। यससँगै केही दिनदेखि वर्षा र बदलीको प्रतीक्षामा रहेका सर्वसाधारणले अब तुलनात्मक रूपमा सफा, घमाइलो र अनुकूल मौसम अनुभव गर्ने अपेक्षा गरिएको छ।

News by चक्रवातको असर हटेपछि मौसममा सुधार, अब देशभर घाम लाग्ने :