चैतन्य सम्बाददाता, Author at Chaitanya News - Page 20 of 1151
  • 2026-11-21
  • 11:55:12
  • शनिबार,मंसिर ०६, २०८३

About Author

गोविन्द केसीको अनसन तोडाउन सरकार सक्रिय, वार्ताका लागि चार सदस्यीय टोली गठन

काठमाडौँ– चिकित्सा शिक्षा सुधारको माग राख्दै अनसनमा बसेका प्रा. डा. गोविन्द केसीका माग सम्बोधन गर्न सरकारले वार्ता प्रक्रिया अघि बढाएको छ। केसीसँग संवाद गरी समस्याको समाधान खोज्ने उद्देश्यले शिक्षा तथा खेलकुद मन्त्रालयले चार सदस्यीय वार्ता टोली गठन गरेको हो। मन्त्रालयले सहसचिव जयराम अधिकारीको संयोजकत्वमा वार्ता टोली गठन गरेको जनाएको छ। टोलीमा चिकित्सा शिक्षा आयोगका सदस्य–सचिव, स्वास्थ्य तथा खाद्य स्वच्छता मन्त्रालयका प्रतिनिधि र शिक्षा मन्त्रालयको प्राविधिक शिक्षा शाखाका उपसचिव सदस्य रहेका छन्। चिकित्सा शिक्षा क्षेत्रमा सुधारको मागसहित केसी अनसनमा बसेपछि सरकारले वार्तामार्फत समाधान खोज्ने पहल थालेको हो। मन्त्रालयले केसीले उठाएका मागप्रति गम्भीर ध्यानाकर्षण भएको जनाउँदै ती विषयलाई संवेदनशील रूपमा लिएको बताएको छ। अनसनलाई लम्ब्याउनुभन्दा वार्ता र संवादमार्फत निकास खोज्न मन्त्रालयले अनसनरत पक्षलाई आह्वानसमेत गरेको छ। सरकारले वार्ता टोली गठन गरेसँगै केसीका माग सम्बोधन र अनसन अन्त्यका लागि संवादको प्रक्रिया अघि बढ्ने अपेक्षा गरिएको छ। अब वार्ता टोलीले केसी पक्षसँग कसरी छलफल अघि बढाउँछ र माग सम्बोधनमा कस्तो सहमति जुट्छ भन्ने विषय महत्त्वपूर्ण हुनेछ।

News by गोविन्द केसीको अनसन तोडाउन सरकार सक्रिय, वार्ताका लागि चार सदस्यीय टोली गठन :