चैतन्य सम्बाददाता, Author at Chaitanya News - Page 262 of 1153
  • 2026-11-23
  • 01:12:14
  • आइतबार,मंसिर ०७, २०८३

About Author

प्रतिनिधि सभा निर्वाचनसम्बन्धी संशोधन विधेयकमा राष्ट्रिय सभामा तीन प्रस्ताव दर्ता

काठमाडौँ– प्रतिनिधि सभा सदस्य निर्वाचनसम्बन्धी पहिलो संशोधन विधेयक राष्ट्रिय सभामा पुगेपछि त्यसमा तीन वटा संशोधन प्रस्ताव दर्ता भएका छन्। प्रतिनिधि सभाबाट पारित भई राष्ट्रिय सभामा विचाराधीन रहेको उक्त विधेयकमाथि विभिन्न सांसदहरूले समावेशिता र प्रतिनिधित्वसम्बन्धी प्रावधानलाई थप स्पष्ट तथा प्रभावकारी बनाउन संशोधन प्रस्ताव पेश गरेका हुन्। सांसद सुरेश कुमार आले मगर लगायतले राजनीतिक दलहरूले निर्वाचनमा उम्मेदवार चयन गर्दा अपांगता भएका व्यक्तिको प्रतिनिधित्व सुनिश्चित गर्ने व्यवस्था कानुनमै समेटिनुपर्ने प्रस्ताव गरेका छन्। उनीहरूको संशोधन प्रस्तावमा उम्मेदवारी प्रक्रियामा अपांगता भएका व्यक्तिको सहभागिता अनिवार्य रूपमा सुनिश्चित गर्नुपर्ने उल्लेख गरिएको छ। त्यसैगरी, सांसद पदम बहादुर परियार लगायतले समानुपातिक निर्वाचन प्रणालीअन्तर्गत बन्द सूची तयार गर्दा प्रयोग हुने समावेशी आधारसम्बन्धी तालिकालाई थप व्यवस्थित ढंगले निर्धारण गर्नुपर्ने धारणा अघि सारेका छन्। उक्त प्रस्तावमा राजनीतिक दलहरूले उम्मेदवार छनोट गर्दा अपांगता भएका व्यक्तिको प्रतिनिधित्व सुनिश्चित गर्नुपर्ने विषय समेटिएको छ। उक्त समूहले तराई दलित समुदायको प्रतिनिधित्वसम्बन्धी विषयलाई समेत कानुनी व्यवस्थामा स्पष्ट रूपमा सम्बोधन गर्नुपर्ने सुझाव दिएको छ। यस्तै, सांसद खम्म बहादुर खाती लगायतले पनि बन्द सूचीमा समावेशी प्रतिनिधित्वका आधार र मापदण्डहरूलाई थप स्पष्ट र व्याख्यायुक्त बनाउनुपर्ने संशोधन प्रस्ताव दर्ता गराएका छन्। राष्ट्रिय सभामा दर्ता भएका यी संशोधन प्रस्तावहरू अब विधेयकमाथिको छलफल तथा निर्णय प्रक्रियाका क्रममा विचार गरिनेछन्।

News by प्रतिनिधि सभा निर्वाचनसम्बन्धी संशोधन विधेयकमा राष्ट्रिय सभामा तीन प्रस्ताव दर्ता :