चैतन्य सम्बाददाता, Author at Chaitanya News - Page 428 of 1152
  • 2026-11-21
  • 19:55:37
  • शनिबार,मंसिर ०६, २०८३

About Author

सामाजिक सञ्जाल विधेयक फिर्तासम्बन्धी प्रस्ताव आज राष्ट्रिय सभामा प्रस्तुत हुँदै

काठमाडौँ– राष्ट्रिय सभाको आज (शुक्रबार)को बैठकमा प्रधानमन्त्री एवं सञ्चार तथा सूचना प्रविधिमन्त्री सुशीला कार्कीले ‘सामाजिक सञ्जाल विधेयक, २०८१ फिर्ता गरियोस्’ भन्ने प्रस्ताव प्रस्तुत गर्ने भएकी छन्। गत मंगलबारको मन्त्रिपरिषद् बैठकले सो विधेयक संघीय संसद्बाट फिर्ता लिन स्वीकृति प्रदान गर्ने निर्णय गरेको थियो। राष्ट्रिय सभाको १७ औँ अधिवेशनमा दर्ता भएको उक्त विधेयक सभाको विधायन व्यवस्थापन समितिमा विचाराधीन थियो। बैठकको सम्भावित कार्यसूचीअनुसार प्रधानमन्त्री एवं शिक्षा, विज्ञान तथा प्रविधिमन्त्री कार्कीले ‘राष्ट्रिय विधि विज्ञान प्रयोगशाला (स्थापना र सञ्चालन) विधेयक, २०८१ लाई पारित गरियोस्’ भन्ने प्रस्ताव प्रस्तुत गर्ने छिन्। त्यसअघि प्रधानमन्त्री कार्कीले विधायन व्यवस्थापन समितिको प्रतिवेदनसहित ‘राष्ट्रिय विधि विज्ञान प्रयोगशाला (स्थापना र सञ्चालन) विधेयक, २०८१ माथि छलफल गरियोस्’ भन्ने प्रस्ताव प्रस्तुत गर्ने छिन्। बैठकमा सार्वजनिक नीति तथा प्रत्यायोजित विधायन समितिका सभापति मायाप्रसाद शर्माले ‘राष्ट्रिय निकुञ्जसँग सम्बन्धित नीतिगत समस्यासम्बन्धी समितिको अध्ययन प्रतिवेदन, २०८२ माथि छलफल गरियोस्’ भन्ने प्रस्ताव प्रस्तुत गर्ने कार्यसूची रहेको संसद् सचिवालयले जनाएको छ। राष्ट्रिय सभाको बैठक आज अपराह्न १ः१५ बजे हुँदैछ।

News by सामाजिक सञ्जाल विधेयक फिर्तासम्बन्धी प्रस्ताव आज राष्ट्रिय सभामा प्रस्तुत हुँदै :