चैतन्य सम्बाददाता, Author at Chaitanya News - Page 355 of 1151
  • 2026-11-21
  • 05:43:47
  • शुक्रबार,मंसिर ०५, २०८३

About Author

संसदीय दलको संरचना र सुविधा व्यवस्थापनबारे छलफलका लागि संसद सचिवालयले बोलायो ६ दलका प्रतिनिधि

काठमाडौँ– प्रतिनिधि सभा सदस्य निर्वाचनपछि गठन हुने नयाँ संसदमा प्रतिनिधित्व गर्ने राजनीतिक दलहरूसँग संसदीय दलसम्बन्धी व्यवस्थापनका विषयमा छलफल गर्न संसद सचिवालयले पहल थालेको छ। यसक्रममा नयाँ संरचनामा रहने ६ वटा दलका प्रतिनिधिलाई छलफलका लागि बोलाइएको जनाइएको छ। सचिवालयका प्रवक्ता तथा सहसचिव एकराम गिरीका अनुसार संसदीय दलका कार्यालयको व्यवस्थापन, कर्मचारीको व्यवस्था तथा उपलब्ध गराइने सेवा–सुविधासम्बन्धी विषयमा धारणा आदानप्रदान गर्न बैठक आयोजना गरिएको हो। यसैसँगै प्रतिनिधि सभा र राष्ट्रिय सभाको बैठक सञ्चालन हुने नयाँ भवनको भौतिक अवस्थाबारे जानकारी गराउने तथा निर्माणाधीन संरचनाका कारण प्रारम्भिक चरणमा देखिन सक्ने असहजताबारे अवगत गराउने उद्देश्य पनि राखिएको छ। निर्वाचन परिणाम अनुसार नयाँ संसदमा राष्ट्रिय श्रम संस्कृति पार्टी बाहेक अन्य पुराना दलहरू पुनः उपस्थित रहनेछन्। नेपाली काँग्रेस र नेकपा एमालेले यसअघि प्रयोग गर्दै आएका संसदीय दलका कार्यालयहरू यथावत रहने व्यवस्था गरिएको छ। यता, ठूलो दलका रूपमा उदाएको राष्ट्रिय स्वतन्त्र पार्टीका लागि हालको कार्यालय पर्याप्त नहुने देखिएकाले वैकल्पिक व्यवस्थाबारे छलफल अघि बढाइएको छ। प्रारम्भिक प्रस्ताव अनुसार नेकपाले प्रयोग गर्दै आएको कार्यालय उक्त दललाई उपलब्ध गराउने र त्यसबदला रास्वपाले हाल प्रयोग गरिरहेको स्थान नेकपालाई दिने विकल्पबारे आन्तरिक तयारी गरिएको स्रोतले जनाएको छ। यद्यपि, यस विषयमा सम्बन्धित दलहरूसँग औपचारिक सहमति भइसकेको छैन। राष्ट्रिय प्रजातन्त्र पार्टीले भने आफ्नो पुरानै कार्यालय प्रयोग गर्नेछ। साथै, नयाँ संसदमा प्रतिनिधित्व नहुने जनता समाजवादी पार्टी, लोकतान्त्रिक समाजवादी पार्टीलगायत दलहरूले प्रयोग गर्दै आएका कार्यालयमध्ये एउटा स्थान नागरिक उन्मुक्ति पार्टीलाई उपलब्ध गराउने तयारी गरिएको बताइएको छ।

News by संसदीय दलको संरचना र सुविधा व्यवस्थापनबारे छलफलका लागि संसद सचिवालयले बोलायो ६ दलका प्रतिनिधि :