चैतन्य सम्बाददाता, Author at Chaitanya News - Page 372 of 1153
  • 2026-11-22
  • 19:38:37
  • आइतबार,मंसिर ०७, २०८३

About Author

अर्थ मन्त्रालयले पाँच वर्षे अवधिका लागि ६ अर्ब रुपैयाँ आन्तरिक ऋण संकलन गर्ने

काठमाडौँ– अर्थ मन्त्रालयले पाँच वर्षे अवधिका लागि ६ अर्ब रुपैयाँ बराबरको आन्तरिक ऋण संकलन गर्ने निर्णय गरेको छ। अर्थ मन्त्रालयको सार्वजनिक ऋण व्यवस्थापन कार्यालयका अनुसार ‘विकास ऋणपत्र २०८७’ मार्फत उक्त ऋण उठाउने योजना तयार गरिएको हो। ऋणपत्रको बोलकबोल प्रक्रिया २६ फागुनमा सम्पन्न हुने र निष्कासन २७ फागुनबाट सुरु हुने व्यवस्था रहेको छ। बैंक तथा वित्तीय संस्था, गैर–बैंक वित्तीय संस्था, बीमा कम्पनी, अन्य संगठित संस्था र व्यक्तिगत नेपाली नागरिकहरूले बोलकबोलमा सहभागी भएर ऋणपत्र खरिद गर्न सक्नेछन्। ऋणपत्रमा धितो राखेर कर्जा लिन र दिन सकिने व्यवस्था छ। ब्याजदर बोलकबोल प्रक्रिया मार्फत निर्धारण हुनेछ। कार्यालयले जनाएको छ कि बोलकबोलमा तय भएको ब्याजदरलाई सानोदेखि ठूलो क्रममा मिलाएर बाँडफाँट गरिनेछ र सोभन्दा कम वा बराबर ब्याजदर प्रस्ताव गर्ने सबै सहभागीहरूलाई समान दरमा ऋणपत्र उपलब्ध गराइने छ।

News by अर्थ मन्त्रालयले पाँच वर्षे अवधिका लागि ६ अर्ब रुपैयाँ आन्तरिक ऋण संकलन गर्ने :