चैतन्य सम्बाददाता, Author at Chaitanya News - Page 248 of 1153
  • 2026-11-22
  • 17:14:51
  • आइतबार,मंसिर ०७, २०८३

About Author

सीमा सुरक्षामा नेपाली सेना परिचालन गर्न हर्क साम्पाङको माग

काठमाडौँ– श्रम संस्कृति पार्टीका अध्यक्ष तथा प्रतिनिधि सभा सदस्य हर्कराज राई (हर्क साम्पाङ) ले राष्ट्रिय सीमा सुरक्षामा नेपाली सेनालाई प्रभावकारी रूपमा परिचालन गर्न सरकारको ध्यानाकर्षण गराएका छन्। आज (सोमबार) बसेको प्रतिनिधि सभा बैठकमा आफ्नो धारणा प्रस्तुत गर्दै उनले सीमा सुरक्षाका संवेदनशील क्षेत्रमा सेनाको तैनाथी अनिवार्य रहेको बताएका हुन्। उनका अनुसार राष्ट्रिय सुरक्षाका दृष्टिले नेपाली सेनाको प्राथमिक भूमिका सीमा क्षेत्रमै केन्द्रित हुनुपर्नेमा जोड दिइनु आवश्यक छ। संसद्मा बोल्दै उनले सेना अन्य स्थानमा प्रयोग भइरहेको भन्दै सीमा क्षेत्रमा अझ सुदृढ उपस्थिति आवश्यक रहेको तर्क प्रस्तुत गरे। उनले राष्ट्रको अस्तित्व कायम रहन भूगोल अपरिहार्य हुने उल्लेख गर्दै भूगोलविनाको राज्य परिकल्पना गर्न नसकिने बताए। साथै, प्रधानमन्त्रीसँग सम्बन्धित भनिएको अभिव्यक्तिप्रति असन्तुष्टि व्यक्त गर्दै उनले उक्त विषयप्रति दुःख र आक्रोश रहेको धारणा राखे। उनले प्रधानमन्त्रीले आफ्नो भनाइ सच्याउनुपर्ने आवश्यकता औँल्याउँदै संसद्मा व्यक्त अभिव्यक्तिको पुनर्विचार गर्नुपर्ने बताए। साम्पाङले राष्ट्रिय संवेदनशील विषयमा जिम्मेवार अभिव्यक्ति आवश्यक रहेको उल्लेख गर्दै सार्वजनिक रूपमा आएका शब्दहरू सच्याउने जिम्मेवारी पनि सम्बन्धित व्यक्तिबाटै हुनुपर्ने धारणा राखेका छन्।

News by सीमा सुरक्षामा नेपाली सेना परिचालन गर्न हर्क साम्पाङको माग :