काठमाडौँः नेपाल प्रिमियर लिग (एनपीएल) क्रिकेटअन्तर्गत शुक्रबारको पहिलो खेलमा काठमाडौँ गोर्खाज र सुदूरपश्चिम रोयल्सबीच प्रतिस्पर्धा हुँदैछ। कीर्तिपुरस्थित त्रिवि अन्तर्राष्ट्रिय क्रिकेट मैदानमा काठमाडौँ गोर्खाजले टस जितेर पहिले बलिङ गर्ने निर्णय गरेको छ। काठमाडौँले सुदूरपश्चिमलाई ब्याटिङको निम्तो दिएको छ। आजको खेल जित्ने टोली प्रतियोगिताको प्लेअफमा छनोट हुनेछ। त्यसैले दुवै टोलीका लागि यो खेल निकै महत्त्वपूर्ण रहेको छ।…

धनगढीः सूर्यदेव र छठी माताको पूजा–आराधना गरी मनाइने छठ पर्व आजदेखि विधिवत् रूपमा सुरु भएको छ। कार्तिक शुक्ल चतुर्थीदेखि सप्तमीसम्म चार दिन मनाइने यस पर्वको पहिलो दिन आज व्रतालुहरूले नहाय–खाय विधि गर्दैछन्। छठ पर्वको पहिलो दिन व्रतालुहरूले स्नान गरी चोखो र शुद्ध भोजन ग्रहण गर्ने परम्परा छ। यस दिन व्रतालुहरूले घर तथा पूजास्थलको सरसफाइ गरी…

काठमाडौँः नेपालमा पश्चिमी वायुको आंशिक प्रभाव रहेको मौसम पूर्वानुमान महाशाखाले जनाएको छ। महाशाखाका अनुसार हाल देशका हिमाली तथा पहाडी भूभागमा आंशिक बदली रहेको छ भने तराईका अधिकांश स्थानमा मौसम मुख्यतया सफा रहेको छ। शुक्रबार पनि देशका हिमाली तथा पहाडी भूभागमा आंशिक बदली रहने र तराई क्षेत्रमा मौसम मुख्यतया सफा रहने महाशाखाले पूर्वानुमान गरेको छ। यसैगरी,…

काठमाडौँः नेपाल प्रिमियर लिग (एनपीएल) क्रिकेटमा आज शुक्रबार पनि दुई खेल हुँदैछन्। कीर्तिपुरस्थित त्रिवि अन्तर्राष्ट्रिय क्रिकेट मैदानमा हुने दुवै खेल महत्त्वपूर्ण मानिएका छन्। आज दिउँसो साढे १२ बजे हुने पहिलो खेलमा काठमाडौं गोर्खाज र सुदूरपश्चिम रोयल्स आमनेसामने हुनेछन्। अंक तालिकामा दोस्रो स्थानमा रहेको काठमाडौंले अहिलेसम्म पाँच खेल खेलेको छ। उसले चार खेलमा जित र एक…

काठमाडौँः कप्तान सन्दीप लामिछानेले ह्याट्रिकसहित ६ विकेट लिएपछि नेपाल प्रिमियर लिग (एनपीएल) मा विराटनगर किंग्सले पोखरा एभेन्जर्सलाई ४ विकेटले पराजित गरेको छ। बिहीबार कीर्तिपुरस्थित त्रिवि अन्तर्राष्ट्रिय क्रिकेट मैदानमा भएको खेलमा विराटनगरले पोखराले दिएको १३३ रनको लक्ष्य १९.२ ओभरमा ६ विकेट गुमाएर पूरा गरेको हो। जितसँगै विराटनगरले ६ खेलबाट ६ अंक जोडेको छ। तीन जित निकालेको…

बैतडीः बैतडीको सतबाँझ क्षेत्रबाट सुदूरपश्चिम प्रदेशको सर्वोच्च शिखर अपि हिमालसहितका मनोरम हिमशृङ्खला देखिएका छन्। समुद्री सतहबाट ७ हजार १३२ मिटर उचाइमा रहेको अपि हिमालसहित दार्चुलास्थित अपि–नाम्पा संरक्षण क्षेत्रभित्र पर्ने नाम्पा, व्यास ऋषि, बबई र जेठी बहुरानी हिमालका सुन्दर चुचुराहरू तस्बिरमा लहरै देखिएका छन्। प्राकृतिक सौन्दर्यले भरिपूर्ण यी हिमशृङ्खलाले नेपाल, भारत र चीनको सीमावर्ती क्षेत्रको भौगोलिक…