काठमाडौँ – नेकपा एमालेका अध्यक्ष केपी शर्मा ओलीले देशमा उन्नति गर्नको लागि सरकार बनाउनुपर्ने बताए ।
प्रतिनिधिसभाको नयाँ कार्यकालको पहिलो बैठकलाई सम्बोधन गर्दै एमाले अध्यक्ष ओलीले व्यक्तिको उन्नतिका लागि नभएर जनताको काम गर्न सरकार बन्नुपर्ने बताए ।
अध्यक्ष ओलीले लामो बलिदानको शृंखलापछि अहिलेको अवस्था आएको बताएउदै यस संसदमाथि ठुलो जिम्मेवारी रहेको बताए ।
यस संसदले देशलाई विकासको बाटोमा अगाडी बढाउनु पर्ने, राष्ट्रियताका प्रश्नको समाधान गर्नुपर्ने, सामाजिक तथा सास्कृतिक पक्षहरुलाई समाधान गर्नुपर्ने यस संसदको जिम्मेवारी रहेको ओलीले बताए ।
ओलीले अहिले अर्थतन्त्र गम्भीर अवस्थामा रहेको बताउदै धेरै बर्षपछि राजश्व संकलन ऋणात्मक भएको बताए ।
ओलीले प्रधानमन्त्री पुष्पकमल दाहाल प्रचण्डलाई बधाई दिदै अहिले सहज अवस्था नभएको र चुनौती भएको स्मरण गराएका छन् ।
परिवर्तनको अपेक्षा जनताले गरेको देखिएको बताउदै ओलीले जनताले परिवर्तनको अपेक्षा गरेकैले नयाँ पार्टीले चुनावमा राम्रो गरेको बताए ।