काठमाडौँ– चार जना शाखा अधिकृतलाई उपसचिव पदमा बढुवा सिफारिस गरिएको छ। बढुवा समितिको सचिवालयले रिक्त रहेका उपसचिव पदमा कार्यक्षमताको आधारमा चार जना शाखा अधिकृतलाई बढुवा सिफारिस गरेको हो ।
आज (शुक्रबार) संघीय मामिला तथा सामान्य प्रशासन मन्त्रालयले एक सूचना जारी गर्दै रिक्त रहेका उपसचिव पदमा कार्यक्षमताको आधारमा बढुवा सिफारिस गरिएको जनाएको छ ।
बढुवा समितिको बिहीबारको निर्णयअनुसार नेपाल इन्जिनियरिङ सेवा, जियोलोजी समूह, जनरल जियोलोजी उपसमूह, (राजपत्रांकित द्वितीय श्रेणी) अन्तर्गत एक जना, नेपाल इन्जिनियरिङ सेवा, सर्भे समूह, (राजपत्रांकित द्वितीय श्रेणी)अन्तर्गत दुई जना र नेपाल कृषि सेवा, कृषि प्रसार समूह, (राजपत्रांकित द्वितीय श्रेणी)अन्तर्गत एक जना शाखा अधिकृतलाई उपसचिव पदमा बढुवा सिफारिस गरिएको हो।
![]()