मुख्यसचिव अर्यालले भने: संसद् सेवाका कर्मचारीको मनोबल उच्च राख्न र क्षमता अभिवृद्धिमा सरकार गम्भीर छ - Chaitanya News
  • 2026-11-17
  • 18:18:37
  • मंगलबार,मंसिर ०२, २०८३
  • मुख्यसचिव अर्यालले भने: संसद् सेवाका कर्मचारीको मनोबल उच्च राख्न र क्षमता अभिवृद्धिमा सरकार गम्भीर छ

    मुख्यसचिव अर्यालले भने: संसद् सेवाका कर्मचारीको मनोबल उच्च राख्न र क्षमता अभिवृद्धिमा सरकार गम्भीर छ

    काठमाडौँ– मुख्यसचिव एकनारायण अर्यालले संसद् सेवाका कर्मचारीको मनोबल उच्च राख्न, संसदीय गतिविधिमा बढी जिम्मेवार बनाउन र क्षमता अभिवृद्धिमा सरकार गम्भीर रहेको बताएका छन्।

    आज (शुक्रबार) अठारौँ संघीय संसद् सेवा दिवसका अवसरमा काठमाडौँमा आयोजित समारोहमा बोल्दै यस्तो बताएका हुन् । यस्तै उनले निजामती सेवा विधेयकमा संसद्का कर्मचारीको वृत्ति विकासलाई उचित ढंगबाट सम्बोधन गरिने विश्वास समेत दिलाए।

    अर्यालले कानुन निर्माण, सरकारलाई जनताप्रति उत्तरदायी बनाउँदै असल शासन कायम गर्न र सरकारलाई खबरदारी गर्न संसद्को महत्त्वपूर्ण भूमिका रहेको बताए।