आज कस्तो रहला मौसम ? यस्तो छ महाशाखाको पूर्वानुमान - Chaitanya News
  • 2026-11-17
  • 20:22:52
  • मंगलबार,मंसिर ०२, २०८३
  • आज कस्तो रहला मौसम ? यस्तो छ महाशाखाको पूर्वानुमान

    आज कस्तो रहला मौसम ? यस्तो छ महाशाखाको पूर्वानुमान

    काठमाडौँ– हाल देशमा पश्चिमी वायुको सामान्य प्रभाव रहेको छ। जसअनुसार सोमबार बिहान कोशी प्रदेश, बागमती प्रदेश र गण्डकी प्रदेशका पहाडी भू–भागमा आंशिक बदली रहेको छ। बाँकी भू–भागमा भने मौसम मुख्यतया सफा रहँदा तराईका थोरै स्थानहरूमा हल्का हुस्सु लागेको जल तथा मौसम पूर्वानुमान महाशाखाको भनाइ छ।

    यस्तै, दिउँसो कोशी प्रदेश र बागमती प्रदेशका पहाडी भू–भागमा आंशिक देखि साधारणतया बदली रही बाँकी भू–भागमा आंशिक बदलीदेखि मौसम मुख्यतया सफा रहने महाशाखाको पूर्वानुमान छ। यस्तै कोशी प्रदेश, बागमती प्रदेश र गण्डकी प्रदेशका पहाडी भू–भागका एकदुई स्थानमा हल्का वर्षाको सम्भावना रहेको छ।

    यस्तैगरी, राति कोशी प्रदेश, बागमती प्रदेश, गण्डकी प्रदेश र लुम्बिनी प्रदेशका पहाडी भू–भागमा आंशिक बदली रही बाँकी भू(भागमा आंशिक बदली देखि मौसम मुख्यतया सफा रहने छ।

    राति कोशी प्रदेश, बागमती प्रदेश र गण्डकी प्रदेशका पहाडी भू–भागका एकदुई स्थानमा हल्का वर्षाको सम्भावना रहेको समेत रहेको महाशाखाले जनाएको छ।