नेवानिबाट ग्राउण्ड ह्याण्डलिङ खोस्नेबारे छलफल भएको छैन : मन्त्रालय - Chaitanya News
  • 2026-11-16
  • 06:16:25
  • सोमबार,मंसिर ०१, २०८३
  • नेवानिबाट ग्राउण्ड ह्याण्डलिङ खोस्नेबारे छलफल भएको छैन : मन्त्रालय

    नेवानिबाट ग्राउण्ड ह्याण्डलिङ खोस्नेबारे छलफल भएको छैन : मन्त्रालय

    काठमाडौँ– संस्कृति, पर्यटन तथा नागरिक उड्डयन मन्त्रालयले त्रिभुवन अन्तर्राष्ट्रिय विमानस्थलमा नेपाल एयरलाइन्स (नेवानि) ले गरिरहेको भूमिस्थ सेवा (ग्राउण्ड ह्याण्डलिङ) खोस्नेबारे कुनै छलफल र आधिकारिक निर्णय नभएको स्पष्ट पारेको छ।

    आज (आइतबार) नेपाल एयरलाइन्समा क्रियाशील ट्रेड युनियनलाई पत्र पठाउँदै यस विषयमा मन्त्रालयमा कुनै छलफल र आधिकारिक निर्णय नभएको स्पष्ट पारेको हो।

    साथै सरकारले निर्णय नगरेसम्म निगमको भूमिस्थ सेवा सोही कम्पनीमै रहने समेत जानकारी दिएको छ।

    नेपाल नागरिक उड्डयन प्राधिकरणले निगमको ग्राउण्ड ह्याण्डलिङ सेवा खोसी प्रतिस्पर्धामा लैजाने निर्णय गरेसँगै निगमका कर्मचारीहरू आन्दोलित छन्।