समृद्ध नेपाल, सुखी नेपालीका लागि सुरु गरिएको मिसन ८४ नेपाली जनताको हो : अध्यक्ष ओली - Chaitanya News
  • 2026-11-16
  • 06:55:19
  • सोमबार,मंसिर ०१, २०८३
  • समृद्ध नेपाल, सुखी नेपालीका लागि सुरु गरिएको मिसन ८४ नेपाली जनताको हो : अध्यक्ष ओली

    समृद्ध नेपाल, सुखी नेपालीका लागि सुरु गरिएको मिसन ८४ नेपाली जनताको हो : अध्यक्ष ओली

    टक्सार– नेकपा एमालेका अध्यक्ष तथा पूर्व प्रधानमन्त्री केपी शर्मा ओलीले समृद्ध नेपाल, सुखी नेपालीका लागि सुरु गरिएको मिसन ८४ अभियान नेपाली जनताको भएको बताएका छन्।

    समृद्धिका लागि सङ्कल्प यात्राअन्तर्गत भोजपुरबाट फर्कनेक्रममा जिल्लाको पूर्वी पौवादुङमा गाउँपालिकाको तिवारीभञ्ज्याङमा आयोजित भेटघाट कार्यक्रममा उनले एमालेले सुरु गरेको यस अभियान एमालेको मात्र नभएर नेपाली जनताको पनि भएको बताए।

    अध्यक्ष ओलीले आफ्नो पार्टीले साँढे तीन वर्ष सरकारको नेतृत्व गर्दा मुलुकमा असाधारण विकास गरेको बताए। उनले सरकारमा जाने जुनसुकै पार्टी देशभक्त, विकासप्रेमी, सुशासन, भेदभाव र पक्षपात नगर्ने हुनुपर्नेमा जोड दिए।

    गत मङ्सिर १४ गतेदेखि सुरु भएको सङ्कल्प यात्रा अन्तर्गत बुधबार भोजपुर आइपुगेको टोली भोजपुरको पूर्वका गाउँपालिकामा हुने भेटघाट कार्यक्रममा सहभागी भएर आज धनकुटा हुँदै तेह्रथुम पुग्ने कार्यक्रम रहेको छ।