११ गते हुने राष्ट्रियसभा निर्वाचनका लागि दल दर्ता गर्न आयोगको आह्वान - Chaitanya News
  • 2026-11-16
  • 07:17:09
  • सोमबार,मंसिर ०१, २०८३
  • ११ गते हुने राष्ट्रियसभा निर्वाचनका लागि दल दर्ता गर्न आयोगको आह्वान

    ११ गते हुने राष्ट्रियसभा निर्वाचनका लागि दल दर्ता गर्न आयोगको आह्वान

    काठमाडौँ– निर्वाचन आयोगले माघ ११ गते हुने राष्ट्रियसभा सदस्य निर्वाचनका लागि राजनीतिक दल दर्ताका लागि आह्वान गरेको छ।

    आयोगले आज एक सूचना जारी गर्दै राष्ट्रियसभा निर्वाचनमा भाग लिने सबै राजनीति दललाई दर्ता आह्वान गरेको हो।

    राष्ट्रियसभा निर्वाचनका लागि मङ्सिर २४ गतेदेखि २९ गतेसम्म दल दर्ता गर्न आयोगले भनेको छ। चुनावी कार्यतालिकाअनुसार पुस १ गते दलहरूलाई चुनाव चिह्न प्रदान गरिनेछ।

    यस्तै पुस ४ गते दर्ता भएका दलहरूको अन्तिम नामावली प्रकाशित हुनेछ। पुस १६ गते चुनावका लागि सात वटा प्रदेशको राजधानीमा निर्वाचन अधिकृत नियुक्ति र कार्यालय स्थापना हुनेछ।