भूकम्प प्रभावितलाई बुद्ध एयरले १ करोड दिने - Chaitanya News
  • 2026-11-19
  • 11:04:31
  • बिहिबार,मंसिर ०४, २०८३
  • भूकम्प प्रभावितलाई बुद्ध एयरले १ करोड दिने

    भूकम्प प्रभावितलाई बुद्ध एयरले १ करोड दिने

    काठमाडौं- निजी वायुसेवा कम्पनी बुद्ध एयरले जाजरकोट तथा पश्चिम रुकुमका भूकम्प प्रभावितका लागि १ करोड सहयोग गर्ने घोषणा गरेको छ। शनिबार एक सूचना जारी गर्दै बुद्ध एयरले प्रधानमन्त्री दैवी प्रकोप राहत कोषमा रु १ करोड सहयोग दिने निर्णय गरेको जनाएको छ।

    बुद्ध एयरले जारी सूचनामा भनिएको छ, ‘जाजरकोट तथा पश्चिम रुकुममा आएको प्राकृतिक विपतमा परि त्यहाँका थुप्रै नागरिकले ज्यान गुमाएका छन्। भूकम्पले थुप्रै परिवार घरबारविहीन भएका छन्। यस दुःखद परिस्थितिमा हामी सबै नेपालीले हातेमालो तथा सहयोगका लागि तत्पर हुनै पर्छ।’

    बुद्ध एयर परिवारको तर्फबाट प्रधानमन्त्री दैवी प्रकोप राहत कोषमा १ करोड सहयोग दिने निर्णय गरिएको बताइएको छ। ‘उद्धार तथा राहत सामग्री ढुवानी सहयोगका लागि पनि वचनबद्ध छौँ,’ बुद्ध एयरले जारी गरेको विज्ञप्तिमा भनिएको छ।