माइतीघरमा डाक्टर र स्वास्थ्यकर्मीको प्रदर्शन - Chaitanya News
  • 2026-11-19
  • 07:44:50
  • बिहिबार,मंसिर ०४, २०८३
  • माइतीघरमा डाक्टर र स्वास्थ्यकर्मीको प्रदर्शन

    माइतीघरमा डाक्टर र स्वास्थ्यकर्मीको प्रदर्शन

    काठमाडौँ– माइतीघर मण्डलामा डाक्टर एवम् स्वास्थ्यकर्मीहरुले आन्दोलन थालेका छन्। उनीहरूले डाक्टरमाथि भइरहेको आक्रमण विरुद्ध र सुरक्षाको माग गर्दै माइतीघर मण्डलामा प्रदर्शन गरिरहेका हुन्।

    अहिले विभिन्न ठाउँबाट र्‍यालीसहित डाक्टर एवम् स्वास्थ्यकर्मीको टोली माइतीघर मण्डलामा भेला भइरहेका छन् भने केहीले बिहानैदेखि प्रदर्शन गरिरहेका छन्।

    हिजो पोखराको मणिपाल शिक्षण अस्पतालमा डाक्टरमाथि कुटपिट भएको थियो। यसअघि गएको २७ गते हेटौँडा उपमहानगरपालिका वडा नम्बर–१ मा रहेको सञ्चो अस्पतालमा कार्यरत डाक्टर विकास थापा र डक्टर प्रशान्त बिडारीमाथि कुटपिट भएको थियो। यसको विरोधमा नेपाल चिकित्सक सङ्घले ३१ गते देशभर सरकारी अस्पतालको आकस्मिक सेवा बन्द गरेर विरोध गरेको थियो।

    दोषीलाई कारबाही गर्ने सहमतिपछि सङ्घले आन्दोलन फिर्ता गरेको थियो। तर, हिजो फेरि डाक्टरमाथि कुटपिट भएपछि डाक्टर तथा स्वास्थ्यकर्मी कार्यस्थलमा सुरक्षाको प्रत्याभूति हुनुपर्ने, स्वास्थ्यकर्मी तथा स्वास्थ्य संस्थाको सुरक्षासम्बन्धी संशोधन ऐन कार्यान्वयन गर्नुपर्ने माग राखेर आन्दोलनमा निस्किएका हुन्।