काठमाडौं- बालुवाटारमा बसेको सत्ता गठबन्धनको बैठक र कांग्रेस बैठकको खर्च कांग्रेसको कोषबाटै तिरिने भएको छ।
शुक्रबार पार्टी कार्यालयमा बसेको कांग्रेस कार्यसम्पादन बैठकमा महामन्त्री गगन थापाले गठबन्धन बैठक र कांग्रेस बैठकको खर्च कांग्रेसकै कोषबाट बेहोर्नु पर्ने प्रस्ताव राखेका थिए।
उनको प्रस्तावमा प्रधानमन्त्रीसमेत रहेका सभापति शेरबहादुर देउवाले सहमति जनाएका हुन्। ‘पार्टी र गठबन्धनको खर्च जुन छ, त्यो राज्य कोषबाट भरपाई नगरौं, राज्य कोषलाई भार नथपौं भन्ने प्रस्ताव गरेको थिएँ, त्यो कांग्रेसकै कोषबाट गर्नुपर्छ भन्ने प्रस्ताव थियो’, उनले भने,‘प्रधानमन्त्रीले हुन्छ भन्नुभयो।’