मधेस प्रदेश सांसद विन्दु कुमारी यादवको निधन - Chaitanya News
  • 2026-11-19
  • 05:05:03
  • बुधबार,मंसिर ०३, २०८३
  • मधेस प्रदेश सांसद विन्दु कुमारी यादवको निधन

    मधेस प्रदेश सांसद विन्दु कुमारी यादवको निधन

    जनकपुर– जनता समाजवादी पार्टी केन्द्रीय सदस्य एवम् मधेश प्रदेश सांसद विन्दु कुमारी यादवको निधन भएको छ। ४४ वर्षीया यादवको आज बिहान साढे ८ बजे निधन भएको हो।

    उनी दुई वर्ष अघिदेखि पाठेघरको मुखको क्यान्सरबाट पीडित थिइन्। १० दिनदेखि प्रादेशिक अस्पताल जनकपुरको आइसियू कक्षमा भर्ना भएर उपचाररत थिइन्।

    आज बिहान साढे ८ बजे उनको निधन भएको प्रादेशिक अस्पताल जनकपुरका निर्देशक एवम स्त्री तथा प्रसूति रोग विशेषज्ञ डा. रामनरेश पण्डितले जानकारी दिए।

    यादव समानुपातिक सांसद थिइन्। दोस्रो मधेश आन्दोलनमा उनको सक्रिय भूमिका थियो।