नारायणगढ–मुग्लिन सडक खण्ड अपराह्न ३ बजेसम्म नखुल्ने - Chaitanya News
  • 2026-11-19
  • 00:51:48
  • बुधबार,मंसिर ०३, २०८३
  • नारायणगढ–मुग्लिन सडक खण्ड अपराह्न ३ बजेसम्म नखुल्ने

    नारायणगढ–मुग्लिन सडक खण्ड अपराह्न ३ बजेसम्म नखुल्ने

    चितवन– नारायणगढ–मुग्लिन सडक खण्ड अपराह्न ३ बजेसम्म नखुल्ने भएको छ। सोमबार राति खसेको पहिरो पन्छाउन आज अपराह्न ३ बजेसम्मको समय लाग्ने देखिएको छ। सडकको ७० मिटर भाग ढाक्ने गरी खसेको पहिरो रातिदेखि नै पन्छाउन थालिएको थियो।

    डिभिजन सडक कार्यालय भरतपुरका प्रमुख रमेश पौडेलका अनुसार ढुङ्गा खसिरहेकाले पहिरो पन्छाउन समय लागेको हो। सोमबार राति १० बजेदेखि पहिरो पन्छाउन थालिएको हो। अहिले तीन लोडर र एउटा एक्साभेटरले पहिरो पन्छाउने काम गरिरहेका छन्। पौडेलले भने, “थप समस्या नभएमा अपराह्न ३ बजेसम्ममा पहिरो पन्छाउन सकिन्छ। पाँच÷सात मिनेटको फरकमा ढुङ्गा खसिरहेकाले पूर्णरुपमा काम गर्न नसकिएको उनको भनाइ छ।

    पौडेलका अनुसार सात हजार घनमिटर हाराहारी पहिरो खसेको अनुमान छ। करिब ६०–७० मिटर माथिबाट पहिरो झरेको हो। सोमबारदेखि नै सवारी साधनहरु रोकिएकाले वैकल्पिक मार्ग प्रयोग गर्न अनुरोध गरिएको छ।