चैतन्य सम्बाददाता, Author at Chaitanya News - Page 399 of 1151
  • 2026-11-21
  • 09:36:08
  • शनिबार,मंसिर ०६, २०८३

About Author

आज ६.०३ अङ्कले बढ्यो नेप्से परिसूचक, ४ अर्ब १७ करोडको कारोबार

काठमाडौँ– साताको कारोबारको अन्तिम दिन आज (बिहिबार) नेपाल स्टक एक्सचेन्ज (नेप्से) परिसूचकमा सामान्य सुधार देखिएको छ। आज नेप्से परिसूचक ६।०३ अङ्कले बढेर २६५४.९३ विन्दुमा पुगेर बन्द भएको छ। आज बजारमा कुल ३३५ कम्पनीका १ करोड ५३ लाख कित्ता सेयर खरिदबिक्री भएका छन्। दिनभरको कारोबारबाट कुल ४ अर्ब १७ करोड ४६ लाख ३० हजार ५१५ रुपैयाँ बराबरको शेयर कारोबार भएको छ। आज कारोबार भएका कम्पनीहरूमध्ये १३७ कम्पनीको शेयर मूल्य बढेको छ भने ११८ कम्पनीको मूल्य घटेको छ। ७ कम्पनीको शेयर मूल्य भने स्थिर रहेको छ। आज सबैभन्दा धेरै कमाउनेमा सालपा विकास बैंक रहेको छ, जसको शेयर मूल्य ९.९९ प्रतिशतले बढेर प्रतिकित्ता ५८४.५० पुगेको छ। त्यस्तै, रिलायन्स स्पिनिङ मिलको मूल्य ९.२६ प्रतिशत र हिम स्टारको मूल्य ६ प्रतिशतले वृद्धि भएको छ। आज होटल, उत्पादनमूलक, माइक्रोफाइनान्स र म्युचुअल फण्ड गरी चारवटा समूहगत परिसूचक घट्दा बाँकी समूह बढेको छ। निर्जीवन बीमा समूह सबैभन्दा धेरै १.०६ प्रतिशतले बढेको छ। कारोबार रकमका आधारमा आज अपी पावर कम्पनी शीर्ष स्थानमा रह्यो। यस कम्पनीको ३२ करोड ६८ लाख ३२ हजार रुपैयाँ बराबरको शेयर कारोबार भएको छ। त्यसैगरी, आँखुखोला जलविद्युत कम्पनीको २१ करोड १३ लाख र एसवाई प्यानलको १५ करोड ५१ लाख रुपैयाँको कारोबार भएको छ।

News by आज ६.०३ अङ्कले बढ्यो नेप्से परिसूचक, ४ अर्ब १७ करोडको कारोबार :