चैतन्य सम्बाददाता, Author at Chaitanya News - Page 186 of 1152
  • 2026-11-22
  • 11:18:12
  • आइतबार,मंसिर ०७, २०८३

About Author

मोरक्कोलाई २–० गोलले हराउँदै फ्रान्स विश्वकपको सेमिफाइनलमा प्रवेश

काठमाडौँ– अमेरिकाको बोस्टन स्टेडियममा आज भएको पहिलो क्वाटरफाइनल खेलम मोरक्कोलाई हराउँदै फ्रान्स फिफा विश्वकप २०२६ को सेमिफाइनलमा प्रवेश गरेको छ। कप्तान किलियन एमबाप्पे र उसमान डेम्बेलेको गोलमा मोरक्कोलाई २–० गोलले पराजित गर्दै फ्रान्स विश्वकपको सेमिफाइनलमा पुगेको हो। एमबाप्पेले पहिलो हाफमा पेनाल्टीमार्फत गोल गर्न सकेनन्। दोस्रो हाफमा भने गोल गर्न सफल भए भने अर्को गोलको लागि सहयोगी बने। फ्रान्स लगातार तेस्रोपटक विश्वकपको सेमिफाइनलमा प्रवेश गरेको हो। यसअघि फ्रान्सले सन् २०१८ मा विश्वकपको ट्रफी जितेको थियो भने २०२२ मा उपविजेता बनेको थियो। आज खेलको ६०औँ मिनेटमा एम्बाप्पेले गोल गर्दै फ्रान्सलाई पहिलो अग्रता दिलाए। त्यसपछि खेलको ६६औँ मिनेटमा उनले नै पास मिलाएपछि उस्मान डेम्बेलेले गोल गर्दै फ्रान्सको अग्रता दोब्बर बनाए । यसपछि खेलमा थप गोल हुन सकेन र फ्रान्सले मोरक्कोमाथि २–० गोलको जित निकाल्यो। फ्रान्सले अब सेमिफाइनल खेलमा बेल्जियम र स्पेनबीचको विजेता टोलीसँग प्रतिस्पर्धा गर्नेछ।

News by मोरक्कोलाई २–० गोलले हराउँदै फ्रान्स विश्वकपको सेमिफाइनलमा प्रवेश :