चैतन्य सम्बाददाता, Author at Chaitanya News - Page 147 of 1152
  • 2026-11-22
  • 12:16:03
  • आइतबार,मंसिर ०७, २०८३

About Author

आज एकै दिन अर्थ र राज्य व्यवस्थासहित संसद्का ५ समितिको बैठक बस्दै, यस्ता छन् एजेण्डा

काठमाडौँ– आज (मंगलवार) एकै दिन पाँच वटा संसदीय समितिको बैठक बस्दै छन्। जसअनुसार, अर्थ समितिको बैठकमा ‘नेपाल राष्ट्र बैंक ऐन, २०५८ लाई संशोधन गर्न बनेको विधेयक’माथि दफाबार छलफल जारी रहनेछ। बैठक , बिहान १० बजे बस्ने तय भएको छ । यस्तै, अन्तर्राष्ट्रिय सम्बन्ध र पर्यटन समितिको बैठकमा ‘ पर्यटन विधेयक, २०८१’ सम्बन्धमा मन्त्रालयसँग सैद्धान्तिक छलफल गर्ने कार्यसूची छ। यसैगरी, बिहान १० बजे नै बोलाएको उद्योग तथा वाणिज्य र श्रम तथा उपभोक्ता हित समितिको बैठकमा ‘खाना पकाउने ग्यासको आपूर्ति व्यवस्थापन सम्बन्धमा’ छलफल गर्ने कार्यक्रम रहेको छ। राज्यव्यवस्था तथा सुशासन समितिको बैठक बिहान ११ बजे बस्दैछ । बैठकमा ‘नेपाल विशेष सेवा ऐन, २०४२ को साविक व्यवस्था जगाउनेसम्बन्धी विधेयक, २०८३’ उपर सैद्धान्तिक र दफावार छलफल गर्ने कार्यसूची छ। यस्तै, कार्यविधि मस्यौदा तर्जुमा उपसमितिको प्रतिवेदनका सम्बन्धमा पनि छलफल हुनेछ। सार्वजनिक नीति तथा प्रत्यायोजित विधायन समितिको बैठकमा समितिका पूर्व सभापति रामनारायण विडारीसँग सरकारी आश्वासन सम्बन्धमा छलफल गर्ने कार्यसूची तय गरिएको छ।

News by आज एकै दिन अर्थ र राज्य व्यवस्थासहित संसद्का ५ समितिको बैठक बस्दै, यस्ता छन् एजेण्डा :