चैतन्य सम्बाददाता, Author at Chaitanya News - Page 345 of 1152
  • 2026-11-22
  • 10:34:36
  • आइतबार,मंसिर ०७, २०८३

About Author

नवनियुक्त कृषि मन्त्री गीता चौधरीद्वारा पदभार ग्रहण

काठमाडौँ– नवनियुक्त कृषि तथा पशुपक्षी विकास र वन तथा वातावरण मन्त्री गीता चौधरीले पदभार ग्रहण गरेकी छिन्। सिंहदरबारस्थित कृषि तथा पशुपक्षी विकास मन्त्रालयमा आज उनले पद बहाली गरेकी हुन्। मन्त्रालयका सचिवद्वय डा. दीपककुमार खराल र डा. राजेन्द्रप्रसाद मिश्रले उनलाई स्वागत गरेका थिए। कृषि प्रधान देश नेपालमा मुलुकको कुल गार्हस्थ्य उत्पादनमा २५ प्रतिशत कृषि क्षेत्रको योगदान रहँदै आएको छ भने ५० प्रतिशत जनशक्ति यस क्षेत्रमा संलग्न छन्। हाल कुल बजेटको तीन प्रतिशत बजेट यस क्षेत्रमा विनियोजन हुँदै आएकामा ८० प्रतिशतसम्म खर्च हुँदै आएको सचिवद्वयले जानकारी गराए। त्यस अवसरमा मन्त्री चौधरीले प्रधानमन्त्री तथा मन्त्रिपरिषद्को कार्यालयबाट प्राथमिकताका कार्य छिनोफानो भएर आएपछि मात्र मन्त्रालयको पहिलो निर्णयमा हस्ताक्षर गर्ने बताइन्।

News by नवनियुक्त कृषि मन्त्री गीता चौधरीद्वारा पदभार ग्रहण :