नेपाल–भारत सम्बन्ध थप मजबुत बनाउने विषयमा परराष्ट्र मन्त्री र भारतीय राजदूतबीच छलफल - Chaitanya News
  • 2026-11-16
  • 17:22:35
  • सोमबार,मंसिर ०१, २०८३
  • नेपाल–भारत सम्बन्ध थप मजबुत बनाउने विषयमा परराष्ट्र मन्त्री र भारतीय राजदूतबीच छलफल

    नेपाल–भारत सम्बन्ध थप मजबुत बनाउने विषयमा परराष्ट्र मन्त्री र भारतीय राजदूतबीच छलफल

    काठमाडौं–  परराष्ट्र मन्त्री शिशिर खनाल र नेपालका लागि भारतका नवनियुक्त राजदूत सुधाकर दलेलाबीच नेपाल–भारत सम्बन्धलाई थप सुदृढ बनाउने विषयमा छलफल भएको छ।

    सिंहदरबारस्थित परराष्ट्र मन्त्रालयमा आज भएको शिष्टाचार भेटका क्रममा दुई देशबीचको लामो समयदेखिको मैत्रीपूर्ण सम्बन्ध र आपसी सहकार्यलाई थप प्रभावकारी बनाउने विषयमा विचार आदानप्रदान भएको हो।

    भेटमा परराष्ट्र मन्त्री खनालले नवनियुक्त भारतीय राजदूत दलेलालाई नेपालका लागि राजदूत नियुक्त भएकोमा बधाई दिँदै सफल र फलदायी कार्यकालको शुभकामना व्यक्त गरे।

    त्यस अवसरमा नेपाल र भारतबीच रहिआएको ऐतिहासिक सम्बन्धका विभिन्न पक्षबारे छलफल भएको परराष्ट्र मन्त्रालयले जनाएको छ।

    दुवै पक्षले दुई देशबीचको मित्रता र सहकार्यलाई अझ मजबुत बनाउने विषयलाई प्राथमिकताका साथ अघि बढाउनेबारे कुराकानी गरेका थिए ।