- 2026-11-05
- 12:25:02
- बिहिबार,कार्तिक २०, २०८३
काठमाडौँ– नेपाल प्रिमियर लिग (एनपीएल) अन्तर्गत बिहीबारको पहिलो खेलमा जनकपुर बोल्ट्सले टस जित्दै साविक विजेता लुम्बिनी लायन्सलाई पहिले ब्याटिङको निम्तो दिएको छ ।
पहिलो संस्करणको विजेता जनकपुरले टस जितेर बलिङ रोजेपछि लुम्बिनीले निर्धारित ओभरको सुरुवात ब्याटिङबाट गर्ने भएको हो ।
यस सिजन उत्कृष्ट लयमा रहेको लुम्बिनी तीन खेलबाट पाँच अंक जोड्दै तालिकाको शीर्ष स्थानमा छ । लुम्बिनी यस सिजन हालसम्म अपराजित रहने एक्लो टोलीसमेत हो ।
यता जनकपुरले चार खेलबाट दुई जित र दुई हारसहित चार अंक जोडेको छ । दुवै टोली आजको खेल जित्दै आफ्नो स्थिति थप मजबुत बनाउने लक्ष्यमा मैदान उत्रिएका छन् ।
आजको खेलमा लुम्बिनीले एक खेलाडी परिवर्तन गरेको छ । अभिशेष गौतमको स्थानमा दिलीप नाथलाई पहिलो रोजाइमा समेटिएको छ ।
त्यस्तै, जनकपुरले दुई खेलाडी परिवर्तन गरेको छ । अमर सिंह राउटेला र मोइन अलीको स्थानमा आदित्य महता र परभेज हुसेन इमोनले पहिलो रोजाइमा खेल्ने अवसर पाएका छन् ।
मोइन अली भने एनपीएलका सुरुवाती चार खेल खेलेपछि अबुधाबी टी–१० लिग खेल्न गइसकेका छन् ।
Copyright © Aishworya Prakashan Pvt. Ltd. All Rights Reserved. Design & Developed by 
