- 2026-05-05
- 13:39:39
- मंगलबार,बैशाख २२, २०८३
काठमाडौं– प्रतिनिधि सभा सदस्यको लागि प्रत्यक्षतर्फ साँझ ५ बजेसम्म २ हजार ६५५ उम्मेदवारी दर्ता भएको छ। यसमा महिलाको संख्या केवल ३०३ मात्रै छ। पुरुष उम्मेदवारको संख्या भने २ हजार ३५२ रहेको छ।
निर्वाचन आयोगका प्रवक्ता नारायणप्रसाद भट्टराईका अनुुसार साँझ ५ गनेसम्म मुख्य निर्वाचन अधिकृत र निर्वाचन अधिकृतको कार्यलय प्रवेश गरेकाले उम्मेदवारी दर्ता गर्न पाउनेछन्। कतिपय जिल्लामा रातिसम्म उम्मेदवारी दर्ता हुने आयोगले जनाएको छ।
२७५ सदस्यीय प्रतिनिधिसभामा ११० जना समानुपातिक तर्फबाट र १६५ जना प्रत्यक्ष निर्वाचन प्रणाली तर्फबाट निर्वाचित हुन्छन्। समानुपातिक तर्फको मनोनयन गत पुस १३ र १४ गते भइसकेको छ। प्रत्यक्ष तर्फको मनोनयन आज भएको हो।
Copyright © Aishworya Prakashan Pvt. Ltd. All Rights Reserved. Design & Developed by 
