- 2026-05-25
- 03:09:13
- आइतबार,जेठ १०, २०८३
धनगढी– विश्व भू–संरक्षण दिवस–२०८२ को अवसरमा वातावरण संरक्षण र हरियाली विस्तारको महत्वलाई बोध गराउँदै चैतन्य पाठशालाले एक विशेष वृक्षारोपण कार्यक्रम सम्पन्न गरेको छ। यो कार्यक्रमले विद्यार्थीहरूमा प्रकृति संरक्षण र दिगो विकासप्रति चेतना जगाउन विशेष योगदान पु¥याएको छ।
कार्यक्रम अन्तर्गत विद्यालयका कक्षा ११ का विद्यार्थीहरूले विद्यालय परिसरमा विभिन्न प्रजातिका बिरुवा रोपेर आफ्नो क्षेत्रलाई हराभरा र सुन्दर बनाउन उत्साहपूर्वक सहभागी भएका थिए। वृक्षारोपणमार्फत विद्यार्थीहरूमा वातावरणप्रतिको जिम्मेवारी र प्रेमको भावना वृद्धि गर्ने उद्देश्य राखिएको छ। यसै गरी, कक्षा ८, ९ र १० का विद्यार्थीहरूले देवहरिया सामुदायिक वनसँगको सहकार्यमा करिब १०० बिरुवाहरू वन क्षेत्र भित्र रोपेका थिए, जसले स्थानीय वन क्षेत्रको जैविक विविधता संरक्षणमा थप योगदान पुर्याउने विश्वास गरिएको छ।
कार्यक्रममा देवहरिया सामुदायिक वनका अध्यक्ष भागीराम चौधरी, वनका अन्य पदाधिकारीहरू, धनगढी उपमहानगरपालिकाका सरसफाइ कार्यक्रम संयोजक रवि तामाङ, साथै चैतन्य पाठशालाका शिक्षक–पदाधिकारीहरूको पनि सक्रिय सहभागिता रहेको थियो। उपस्थित सबैले विद्यार्थीहरूलाई वातावरण संरक्षण र हरियाली विस्तारमा निरन्तर संलग्न रहन प्रोत्साहित गर्दै आगामी दिनहरूमा यस्ता हरित पहलहरू निरन्तर सञ्चालन गर्ने प्रतिबद्धता जनाएका छन् ।
वृक्षारोपण केवल एक दिने अभियान नभई दीर्घकालीन वातावरण संरक्षण, माटो र जल स्रोतको संरक्षण तथा जैविक विविधता जोगाउने एक महत्त्वपूर्ण कदम भएको चैतन्य पाठशालाका निर्देशक कटक ब। सिंहले स्पष्ट पारे। उनीहरूले अहिलेको परिस्थितिमा वृक्षारोपण र संरक्षणलाई प्राथमिकतामा राख्नुपर्ने र वातावरणमैत्री गतिविधिहरूलाई निरन्तरता दिन विद्यार्थीहरूलाई आह्वान गरे।
यो कार्यक्रमले विद्यार्थीहरूमा “रुख रोपौँ, प्रकृति जोगाऔँ“ भन्ने जागरूकता र चेतना फैलाएको छ भने विद्यालयले पनि आफ्नो सामाजिक दायित्व अन्तर्गत आगामी दिनहरूमा यस्ता हरित गतिविधिहरूलाई निरन्तरता दिने प्रतिबद्धता जनाएको छ। वातावरण संरक्षणमा युवा पुस्ताको संलग्नता र सक्रियतालाई बढाउँदै लैजान यस किसिमका पहलहरू अत्यन्त आवश्यक रहेको छ भन्ने सबैले औँल्याए।
यसरी, विश्व भू–संरक्षण दिवसको अवसरमा चैतन्य पाठशालाद्वारा सम्पन्न गरिएको वृक्षारोपण कार्यक्रमले न केवल स्थानीय वातावरणमा सकारात्मक प्रभाव पार्नेछ, बरु आगामी पुस्ताका लागि दिगो वातावरणीय चेतना र संरक्षण संस्कार स्थापना गर्ने महत्त्वपूर्ण काम पनि गर्नेछ।
Copyright © Aishworya Prakashan Pvt. Ltd. All Rights Reserved. Design & Developed by 
