काठमाडौँ– आज (मंगलबार) संघीय संसद् अन्तर्गतका दुई समितिको बैठक बस्ने तय भएको छ।
जसअनुसार, दिउँसो १ बजे बस्नेअन्तर्राष्ट्रिय सम्बन्ध र पर्यटन समितिको बैठकमा नेपाल हवाई सेवा प्राधिकरण विधेयक, २०८१ माथि समितिमा दफावार छलफल प्रारम्भ हुने कार्यसूची छ।
त्यस्तै, दिउँसो १ बजे नै बस्ने विधायन व्यवस्थापन समितिको बैठकमा पुरानै एजेन्डा जलस्रोत विधेयक, २०८१ को मस्यौदा प्रतिवेदनउपर छलफल हुने संघीय संसद्का सचिवालयले जानकारी दिएको छ।