काठमाडौँ– राहदानी विभाग र जर्मन कम्पनी भेरिडोसबीच राहदानी छपाई सम्बन्धी सम्झौता भएको छ। आज (सोमबार) राहदानी विभाग र भेरिडोसका प्रतिनिधि बीच राहदानी छपाई सम्बन्धी सम्झौता भएको हो।
सम्झौता पत्रमा राहदानी विभागका तर्फबाट महानिर्देशक तीर्थराज अर्याल र भेरिडोसका तर्फबाट एसिया प्रशान्त क्षेत्रका उपाध्यक्ष फाबियोला बेलरशेमले हस्ताक्षर गरेका छन्। राहदानी विभागमा भएको एक विशेष समारोहमा दुई पक्षबीच हस्ताक्षर भएको हो।