काठमाडौँ– आज (मंगलबार) संघीय संसद् अन्तर्गत तीन संसदीय समितिहरूको बैठक बस्ने भएको छ। जसअनुसार बिहान ११ बजे बस्ने आर्थिक मामिला तथा सुशासन समितिको बैठकमा खानेपानी, सरसफाइ र स्वच्छता सम्बन्धमा खानेपानी मन्त्रालयबाट भएका कामकारबाही, कार्य प्रगति र अगामी आर्थिक वर्षको बजेट सम्बन्धमा मन्त्रालयको तयारीका विषयमा छलफल हुने कार्यसूची रहेको छ। यो सँगै खानेपानी मन्त्री प्रदीप यादवसँग छलफल गर्ने कार्यसूची पनि रहेको सचिवालयले जनाएको छ।
यसैगरी, दिउसो १ बजे बस्ने विधायन व्यवस्थापन समितिको बैठकबैठकमा संविधान अनुसार बन्न बाँकी कानुनहरूको सम्बन्धमा प्रधानमन्त्री तथा मन्त्रिपरिषद्को कार्यालयसँग छलफल गर्ने कार्यसूची रहेको छ।
त्यसै गरी दिउँसो साढे २ बजे बस्ने राज्य व्यवस्था तथा सुशासन समितिको बैठकमा संघीय निजामती सेवाको गठन, सञ्चालन र सेवाका सर्त सम्बन्धमा व्यवस्था गर्न बनेको विधेयक,२०८० माथि कर्मचारी ट्रेड युनियनसँग छलफल गर्ने कार्यसूची छ।