कात्तिक ८ गतेभित्र बक्यौता रकम बुझाउन ४९ उद्योगलाई विद्युत् प्राधिकरणको अनुरोध - Chaitanya News
  • 2026-11-17
  • 00:46:05
  • सोमबार,मंसिर ०१, २०८३
  • कात्तिक ८ गतेभित्र बक्यौता रकम बुझाउन ४९ उद्योगलाई विद्युत् प्राधिकरणको अनुरोध

    कात्तिक ८ गतेभित्र बक्यौता रकम बुझाउन ४९ उद्योगलाई विद्युत् प्राधिकरणको अनुरोध

    काठमाडौँ– नेपाल विद्युत् प्राधिकरणले डेडिकेटेड र ट्रंकलाइनबाट विद्युत् उपभोग गरेका ४९ उद्योगहरूको सूची सार्वजनिक गर्दै आगामी कात्तिक ८ गतेभित्र बक्यौता रकम बुझाउन अनुरोध गरेको छ।

    तोकिएको समय अवधिभित्र महसुल नबुझाएमा कानुन बमोजिम असुल उपर गर्ने चेतावनी समेत विद्युत् प्राधिकरणले दिएको छ।

    प्राधिकरणले आज गोरखापत्र दैनिकमा सूचना प्रकाशन गरी बक्यौता महसुल नबुझाएका उद्योगहरूको नाम र उनीहरूले गणना सिट अनुसार बुझाउनुपर्ने थप दस्तुरसहितको बाँकी रकम समेत सार्वजनिक गरेर बक्यौता बुझाउन भनेको छ।