काठमाडौं- आज स्थगित लोकसेवा आयोगको विज्ञापन भोली खुल्ने भएको छ।
भोली ठूलो संख्यामा सहसचिव र उपसचिवको विज्ञापन खुल्ने भएको हो।
लोकसेवा आयोगले नियमित कार्यतालिका अनुसार असोजको अन्तिम बुधबार सहसचिव र उपसचिवको विज्ञापन गर्न लागेको हो। संघीय मामिला तथा सामान्य प्रशासन मन्त्रालयले माग संख्या लोकसेवा आयोगमा पठाइसकेको छ।
सबै सेवा समूहका गरी ८६ जना सहसचिव र २५५ को हाराहारीमा उपसचिवको विज्ञापन गर्न लागिएको हो। प्राप्त विवरण अनुसार सबैभन्दा धेरै नेपाल प्रशासन सेवातर्फ सहसचिव ४२ र उपसचिव १४३ जनाको विज्ञापन हुँदै छ।