प्रधानमन्त्री प्रचण्ड शुक्रबार भूकम्प प्रभावित जिल्ला बझाङ जाँदै - Chaitanya News
  • 2026-11-19
  • 09:21:17
  • बिहिबार,मंसिर ०४, २०८३
  • प्रधानमन्त्री प्रचण्ड शुक्रबार भूकम्प प्रभावित जिल्ला बझाङ जाँदै

    प्रधानमन्त्री प्रचण्ड शुक्रबार भूकम्प प्रभावित जिल्ला बझाङ जाँदै

    काठमाडौं– प्रधानमन्त्री पुष्पकमल दाहाल प्रचण्ड भोलि (शुक्रबार) भूकम्प प्रभावित जिल्ला बझाङ जाने भएका छन् ।

    प्रधानमन्त्री प्रचण्ड मंगलबार गएको भूकम्पको केन्द्रविन्दु रहेको बझाङ जाने कार्यक्रम तय भएको उनको सचिवालय जनाएको छ।

    आज बिहान मात्रै सिंहदरबारमा प्रधानमन्त्री प्रचण्डको अध्यक्षतामा विपद् जोखिम न्यूनिकरण तथा व्यवस्थापन परिषद्को बैठक बसेको थियो।

    बैठकमा उनले एकपटक बझाङमै गएर प्रत्यक्ष अवलोकन गरी थप राहत, पुनर्स्थापना र पुनर्निर्माणको काम गर्ने बताएका थिए।

    परिगद्को अध्यक्षको नाताले पनि र प्रधानमन्त्रीको नताले पनि एकपटक बझाङमै गएर प्रत्यक्ष अवलोकन गर्ने र त्यो रिपोर्ट आइसकेपछि स्टेप चाल्छौं,’ उनले भने।

    मंगलबार दिउँसो ३स् ०६ बजे को समयमा बझाङ केन्द्रविन्दु भएर ६।३ म्याग्निच्युडको भूकम्प गएको थियो।

    भूकम्पमा परी एक जना महिलाको मृत्यु भएको छ भने केही घाइते भएका छन्। जिल्लामा व्यक्तिगत घरका साथै केही सार्वजनिक भवनमा पनि क्षति पुगेको छ ।