लुम्बिनी प्रदेशसभाको २५ औं बैठकबाट निजामती विधेयक पारित गर्ने तयारी - Chaitanya News
  • 2026-11-16
  • 16:34:35
  • सोमबार,मंसिर ०१, २०८३
  • लुम्बिनी प्रदेशसभाको २५ औं बैठकबाट निजामती विधेयक पारित गर्ने तयारी

    लुम्बिनी प्रदेशसभाको २५ औं बैठकबाट निजामती विधेयक पारित गर्ने तयारी

    दाङ– लुम्बिनी प्रदेशसभाको २५ औं बैठक बस्दैछ। बैठकमा निजामती विधेक पारित गर्ने तयारी भइरहेको छ। बैठक आज (शुक्रबार)ं दिउँसो १ बजे बस्ने भएको छ।

    प्रदेश सभाको कार्यसूची अनुसार बैठकमा मुख्यमन्त्री डिल्लीबहादुर चौधरीले ‘प्रदेश निजामती सेवाको गठन, सञ्चालन र सेवाका शर्त सम्बन्धमा व्यवस्था गर्न बनेको प्रतिवेदनसहितको विधेयक’ माथि छलफल र पारित गरियोस् भन्ने प्रस्ताव प्रस्तुत गर्ने कार्यसूची छ।

    त्यसपछि सभामुख तुलाराम घर्तीमगरले प्रस्तावलाई निर्णयार्थ प्रस्तुत गर्ने कार्यसूची रहेको प्रदेश सभा सचिवालयका सचिव दुर्लभकुमार पुनले बताए।

    गत असार २२ दर्ता भएको निजामती विधेयकमा प्रदेशसभाले दफावार छलफल गर्न प्रदेश मामिला तथा कानुन समितिमा पठाएको थियो। समितिले उपसमिति गठन गरेर विधेयकमाथि छलफल र सुझाव संकलन गरेको थियो। सुझावको आधारमा तयार पारिएको प्रतिवेदन बिहीबार बसेको बैठकमा पेश गरिएको थियो।