यादवमाथिको आक्रमणबारे सदनलाई जानकारी गराउन सभामुखको रुलिङ - Chaitanya News
  • 2026-11-16
  • 16:47:52
  • सोमबार,मंसिर ०१, २०८३
  • यादवमाथिको आक्रमणबारे सदनलाई जानकारी गराउन सभामुखको रुलिङ

    यादवमाथिको आक्रमणबारे सदनलाई जानकारी गराउन सभामुखको रुलिङ

    काठमाडौं– सभामुख देवराज घिमिरेले नेपाली कांग्रेसका सहमहामन्त्री महेन्द्र यादवमाथिको आक्रमण र कान्ति बाल अस्पतालमा बालिकाको मृत्यु भएको सम्बन्धमा सदनलाई जानकारी गराउन रुलिङ गरेका छन्।

    आज (बिहिबार) प्रतिनिधि सभाको शून्य समयमा बोल्दै सांसदहरुले यी दुई घटनाका सम्बन्धमा सरकारको ध्यानाकर्षण गरेए। त्यस आधारमा सभामुखले जानकारी गराउन सरकारलाई निर्देश गरेका हुन्।

    सभामुख घिमिरेले भने, ‘आजको आकस्मिक, शुन्य र विशेष समयमा कान्ति बाल अस्पतालमा एक जना ५ वर्षीया बालिकाको मृत्यु भएको र संविधानसभा सदस्य एवं नेपाली काँग्रेसका सहमहामन्त्री श्री महेन्द्र यादवमाथि भएको आक्रमणको विषयमा गम्भीर कुराहरु छन। यी विषयमा सदनलाई जानकारी गराउन सरकारलाई म निर्देश गर्दछु।’

    बैठकमा सांसदहरुले ती दुवै अपराधिक घटनामा संलग्न दोषीमाथि कडा कारबाही गर्न सरकारसँग माग गरेका थिए।