अर्थमन्त्री महतले सोधे तीनवटा सरकारी बैंकका अध्यक्ष र सीईओसँग ब्याजदर बढाउनुको कारण - Chaitanya News
  • 2026-11-16
  • 19:56:40
  • सोमबार,मंसिर ०१, २०८३
  • अर्थमन्त्री महतले सोधे तीनवटा सरकारी बैंकका अध्यक्ष र सीईओसँग ब्याजदर बढाउनुको कारण

    अर्थमन्त्री महतले सोधे तीनवटा सरकारी बैंकका अध्यक्ष र सीईओसँग ब्याजदर बढाउनुको कारण

    काठमाडौँ– अर्थमन्त्री डा. प्रकाशशरण महतले तीन वटा सरकारी बैंकका प्रमुख कार्यकारी अधिकृत (सीईओ) तथा अध्यक्षलाई स्पष्टीकरण सोधेका छन्।आज (शुक्रबार) उनले मन्त्रालयमै बोलाएर ब्याजदर बढाउनुको कारण सोधेका हुन्।

    कृषि विकास बैंकका सीईओ गोविन्द गुरुङ, अध्यक्ष रामशरण पुडासैनी, राष्ट्रिय वाणिज्य बैंकका सीईओ किरणकुमार श्रेष्ठ र अध्यक्ष बलराम पाठक, नेपाल बैंकका कृष्णबहादुर अधिकारी र अध्यक्ष ज्ञानप्रसाद ज्ञवालीलाई अर्थमन्त्रीले शुक्रबार मन्त्रालयमै बोलाएका थिए।

    अर्थमन्त्री महतले उनीहरूसँग सरकारी बैंकले नै किन सरकारको ब्याजदर घटाउने नीतिलाई असफल बनाउन खोजेको भन्दै स्पष्टीकरण सोधेको अर्थ मन्त्रालय स्रोतले बताएको छ।

    तर, उनीहरूले निक्षेप जोगाउन ब्याजदर बढाउनुपरेको जवाफ अर्थमन्त्रीलाई दिएका छन्। स्रोतका अनुसार कर्जामा भने ब्याजदर नबढाउने प्रतिबद्धता तीनवटै बैंकले गरेका छन्।