काठमाडौंको कपनमा महानगरको डोजर, स्थानीय आन्दोलित - Chaitanya News
  • 2026-11-16
  • 21:56:04
  • सोमबार,मंसिर ०१, २०८३
  • काठमाडौंको कपनमा महानगरको डोजर, स्थानीय आन्दोलित

    काठमाडौंको कपनमा महानगरको डोजर, स्थानीय आन्दोलित

    काठमाडौं– काठमाडौं महानगरपालिकाले ७ नम्बर वडाको कपनमा खहरे खोलामाथि बनेका घरटहरा भत्काउन डोजर सहित गएपसछि स्थानीयले विरोध गरेका छन्।
    ७ नम्बर वडाका स्थानीयवासीले भने बुढानीलकण्ठ नगरपालिकाविरुद्ध नाराबाजी गरिरहेका छन्।

    बुढानीलकण्ठ नगरपालिका–१० नम्बर वडाको सिमानामा पर्ने साततले नजिकैको खोला मिचेर घर बनाएको, सेटब्याक नछोडी खोला मिचेको भन्दै सामाखुसी खोला जसरी नै खोल्न महानगर पुगेको नगर प्रहरीका डिएसपी मिनबहादुर थापाले बताए।

    स्थानीयले विरोध गरेपछि अहिले डोजर भने चल्न सकेको छैन। ‘खहरे खोला खोलेर, छेउमा ढल बनाउनको लागि काठमाडौं महानगरले तयारीसहित अगाडि बढेपनि बुडानीलकण्ठ नगरपालिकाले सहमति नदिंदा डोजर चलेको छैन,’ थापाले भने।

    बुढानीलकण्ठ नगरपालिकाका स्थानीय बासिन्दाले भने वर्षाको समयमा डोजर आतंक गरेको भन्दै महानगरविरुद्ध नाराबाजी गरिरहेका छन्।