प्रस्तावित प्रधानन्यायाधीश विश्वम्भर श्रेष्ठविरुद्ध उजुरी आह्वान - Chaitanya News
  • 2026-11-16
  • 22:19:08
  • सोमबार,मंसिर ०१, २०८३
  • प्रस्तावित प्रधानन्यायाधीश विश्वम्भर श्रेष्ठविरुद्ध उजुरी आह्वान

    प्रस्तावित प्रधानन्यायाधीश विश्वम्भर श्रेष्ठविरुद्ध उजुरी आह्वान

    काठमाडौं– प्रस्तावित प्रधानन्यायाधीश विश्वम्भरप्रसाद श्रेष्ठका विषयमा उजुरी आह्वान गरेको छ।

    आज (मंगलबार) सिंहदरबारमा बसेको बैठकले प्रस्तावित प्रधानन्यायाधीश श्रेष्ठविरुद्ध उजुरी दिन आह्वान गरेको हो। गत साउन १८ गते बसेको संवैधानिक परिषद् बैठकले सर्वोच्च अदालतका वरिष्ठतम न्यायाधीश श्रेष्ठलाई प्रधानन्यायाधीशमा सिफारिस गर्ने निर्णय गरेको थियो।

    सोही सिफारिसमाथिको सुनुवाइ प्रक्रिया सुरु गर्दै समितिले १० दिन समय दिएर उजुरी आह्वान गरेको समितिका ज्येष्ठ सदस्य पशुपतिशमशेर जबराले जानकारी दिए।

    उनले भने, ‘प्रस्तावित प्रधानन्यायाधीशको बारेमा सर्वसाधारणलाई जानकारी दिने र प्रस्तावित व्यक्ति प्र्रस्तावित पदका लागि अनुपयुक्त लागेमा सूचना प्रकाशित भएको मितिले १० दिनभित्र प्रष्ट आधार खोली मर्यादित भाषामा समिति समक्ष सूचना वा उजुरी दिन सरकारी सरकारी सञ्चार माध्यामहरुमार्फत् सूचना प्रकाशित गर्न प्रस्ताव गर्दछु।

    प्रधानन्यायाधीश हरिकृष्ण कार्कीले उमेर हदका कारण गत साउन २० गते अवकाश पाएपछि नयाँ प्रधानन्यायाधीश नियुक्ति प्रक्रिया अघि बढेको हो। संसदीय सुनुवाई समितिबाट श्रेष्ठको नाम अनुमोदन भएपछि राष्ट्रपतिले नियुक्त गर्ने संवैधानिक व्यवस्था छ।

    उजुरी संघीय संसदको संसदीय सुनुवाइ समितिले आह्वान गरेको हो