७ लाख ५२ हजार ९५६ पार्टी सदस्य रहेको माओवादीको दाबी - Chaitanya News
  • 2026-11-16
  • 23:31:19
  • सोमबार,मंसिर ०१, २०८३
  • ७ लाख ५२ हजार ९५६ पार्टी सदस्य रहेको माओवादीको दाबी

    ७ लाख ५२ हजार ९५६ पार्टी सदस्य रहेको माओवादीको दाबी

    काठमाडौं– नेकपा माओवादी केन्द्रले देश र विदेशमा आफ्ना ७ लाख ५२ हजार ९५६ कार्यकर्ता रहेको बताएको छ।

    आज (बुधबार) पार्टीको केन्द्रीय समिति बैठकमा माओवादी केन्द्रका अध्यक्ष पुष्पकमल दाहाल ‘प्रचण्ड’ ले प्रस्तुत गरेको साङ्गठनिक प्रतिवेदनमा ७ लाख ५२ हजार ९५६ जना माओवादी कार्यकर्ता रहेको उल्लेख गरिएको छ।

    उनका अनुसार माओवादीले सबैभन्दा धेरै पार्टी सदस्य बागमतीमा रहेका छन्। बागमतीमा १ लाख ४७ हजार ३५३, मधेशमा १ लाख १६ हजार ९७५, लुम्बिनीमा १ लाख १२ हजार ९१०, कोशीमा ९९ हजार ६०१, गण्डकीमा ६६ हजार ६८७, कर्णालीमा ८५ हजार ७७४ र सुदूरपश्चिममा ८० हजार ४८२ जना पार्टी सदस्य रहेको माओवादी केन्द्रको दाबी छ।

    त्यस्तै सम्पर्क कमिटीहरुमा १९ हजार ३१२, काठमाडौं उपत्यकामा १८ हजार ३२५ र प्रवासमा ५ हजार ५३७ जना रहेको सांगठनिक प्रतिवेदनमा उल्लेख छ।