भदौदेखि ३ महिनासम्म ‘जनतासँग पार्टी अभियान’ चलाउने माओवादीको निर्णय - Chaitanya News
  • 2026-11-16
  • 23:32:09
  • सोमबार,मंसिर ०१, २०८३
  • भदौदेखि ३ महिनासम्म ‘जनतासँग पार्टी अभियान’ चलाउने माओवादीको निर्णय

    भदौदेखि ३ महिनासम्म ‘जनतासँग पार्टी अभियान’ चलाउने माओवादीको निर्णय

    काठमाडौं– नेकपा माओवादी केन्द्रले आउँदो भदौ महिनादेखि ३ महिनासम्म जनतासंग पार्टी अभियान चलाउने निर्णय गररेको छ।

    आज (बुधबार) केन्द्रीय समिति बैठकमा बोल्दै अध्यक्ष पुष्पकमल दाहाल प्रचण्डले सांगठनिक प्रतिवेदन प्रस्तुत गर्दै भदौ, असोज र कात्तिक महिनामा ‘जनतासँग पार्टी अभियान’ चलाउने जानकारी गराए।

    त्यस्तै अभियानका क्रममा देशभरका सबै ६ हजार ७४३ वटै वडा समिति गठन गर्ने, सबै जातीय मोर्चाले आफ्नो जनसंख्याको कम्तीमा १० प्रतिशतलाई संगठित गर्ने प्रतिवेदनमा उल्लेख गरिएको छ।

    यो अभियानमा सबै समिति डिजिटल बनाउने, वार्षिक कार्यतालिका बनाउने, मंसिरमा विधान सम्मेलन गर्ने, सचिवहरुले प्रदेशको जिम्मेवारी लिने र सबै केन्द्रीय सदस्य वडा तहमा पठाउने पनि माओवादीको योजना छ।