बागमती सरकारको निर्णय: दुई कर्मचारीलाइ ११औँ तह प्रदेश सचिवमा बढुवा, एक हजार ५९५ दरबन्दी स्वीकृत - Chaitanya News
  • 2026-11-17
  • 05:24:07
  • सोमबार,मंसिर ०१, २०८३
  • बागमती सरकारको निर्णय: दुई कर्मचारीलाइ ११औँ तह प्रदेश सचिवमा बढुवा, एक हजार ५९५ दरबन्दी स्वीकृत

    बागमती सरकारको निर्णय: दुई कर्मचारीलाइ ११औँ तह प्रदेश सचिवमा बढुवा, एक हजार ५९५ दरबन्दी स्वीकृत

    हेटौडा– बागमती प्रदेश सरकारले विभिन्ननिकायका लागि दरबन्दी स्वीकृत गर्ने निर्णय गरेको छ।

    आज (आइतबार) बसेको प्रदेश सरकार मन्त्रिपरिषद्को बैठकले सरकार मातहत काम गर्दै आएका अस्थायी र करारका एक हजार पाँच सय ९५ दरबन्दी स्वीकृत गरेको हो।बैठकले दुई कर्मचारीलाई ११औँ तह (प्रदेश सचिव)मा बढुवा गर्ने समेत निर्णय गरेको छ।

    स्वास्थ्य सेवातर्फ नारायणबहादुर कार्की र इन्जिनियर सेवातर्फ लोकनाथ रेग्मीलाई ११औँ तहमा बढुवा गर्ने निर्णय भएको प्रदेशका भौतिक पूर्वाधार विकासमन्त्री युवराज दुलालले जानकारी दिए।

    यसैगरी बैठकले प्रदेश श्रम तथा रोजगार नीति २०८० लाई स्वीकृत गर्ने निर्णय गरेको छ।