ललिता निवास प्रकरण : आज चौंथो दिन पनि सुनुवाइ हुँदै - Chaitanya News
  • 2026-11-17
  • 03:49:27
  • सोमबार,मंसिर ०१, २०८३
  • ललिता निवास प्रकरण : आज चौंथो दिन पनि सुनुवाइ हुँदै

    ललिता निवास प्रकरण : आज चौंथो दिन पनि सुनुवाइ हुँदै

    काठमाडौँ-  बालुवाटारस्थित ललिता निवास जग्गा हिनामिना प्रकरणसम्बन्धी बन्दी प्रत्यक्षीकरणको रिट निवेदनमाथि आज (बिहीबार) चौथो दिन पनि सुनुवाइ हुने भएको छ ।

    सर्वोच्च अदालतका न्यायाधीशद्वय प्रकाशकुमार ढुङ्गाना र नहकुल सुवेदीको संयुक्त इजलासमा बुधबार पनि बहस हुँदाहुँदै समय सकिएपछि उक्त विवादमा आज सुनुवाइ हुन लागेको हो ।

    उक्त प्रकरणमा कीर्ते गरेको अभियोगमा सचिव कृष्णबहादुर राउत, निर्वाचन आयोगका पूर्व आयुक्त सुधिरकुमार शाह, व्यवसायी मीनबहादुर गुरुङ र मालपोत कार्यालयका पूर्वकर्मचारी धर्मप्रसाद गौतमलाई पक्राउ गरी अनुसन्धान सुरू गरेपछि सर्वोच्च अदालतमा बन्दीको रिट निवेदन दायर गरिएको थियो ।

    सर्वोच्च अदालतले सो विवादसम्बन्धी ६ थान रिट निवेदन एकै ठाउँमा राखेर सुनुवाइ गरिरहेको छ ।