भद्रकुमारी घले सदनका संरचना तत्काल नभत्काउन उच्च अदालत पाटनको आदेश - Chaitanya News
  • 2026-11-18
  • 16:57:10
  • बुधबार,मंसिर ०३, २०८३
  • भद्रकुमारी घले सदनका संरचना तत्काल नभत्काउन उच्च अदालत पाटनको आदेश

    भद्रकुमारी घले सदनका संरचना तत्काल नभत्काउन उच्च अदालत पाटनको आदेश

    काठमाडौं– उच्च अदालत पाटनले काठमाडौं महानगरपालिका–१० देवीनगरस्थित भद्रकुमारी घले सेवा सदनका संरचना तत्काल नभत्काउन अल्पकालीन अन्तरिम आदेश दिएको छ।

    काठमाडौं महानगरपालिकाले भद्रकुमारी घले सेवा सदनका केही संरचनामा बुधबार नै डोजर चलाएर भत्काएको छ। बाँकी संरचना पनि भत्काउने बताउँदै आएको छ। तर महानगरपालिकाको कदमविरुद्ध निषेधाज्ञाको आदेश माग गर्दै सदनका तर्फबाट दिएको निवेदनमाथि सुनुवाइ गर्दै न्यायाधीश श्यामजी प्रधानको इजलासले संरचना नभत्काउन आदेश दिएको हो।

    अदालतले ८ साउनमा दुबै पक्षलाई छलफलमा बोलाएको छ। त्यसअघि सदनको घरजग्गामा क्षति पु¥याउने वा अतिक्रमण गर्ने काम नगर्नु नगराउनु भनी अल्पकालीन अन्तरिम आदेश जारी गरेको हो।