चैतन्य सम्बाददाता, Author at Chaitanya News - Page 687 of 1152
  • 2026-11-22
  • 04:52:27
  • शनिबार,मंसिर ०६, २०८३

About Author

प्रमुख श्रम गन्तव्य देशका राजदूत काठमाडौंमा, हुँदैछ यस्तो छलफल

काठमाडौं- नेपाली श्रमिक कार्यरत प्रमुख श्रम गन्तव्य देशमा खटिएका नेपाली राजदूतहरु काठमाडौं आएका छन्। पछिल्लो समय वैदेशिक रोजगारीको क्षेत्रमा फेरिएको अवस्थाबारे प्रधानमन्त्री र मन्त्रीसँग छलफल गर्न उनीहरू काठमाडौं आएका हुन्। प्रधानमन्त्री पुष्पकमल दाहाल प्रचण्डको आह्वानमा आज र भोलि हुने छलफलमा श्रम स्वीकृतिदेखि नेपाली श्रमिकले भोगेका समस्या र समाधानको उपायको विषयमा कुराकानी हुने प्रधानमन्त्रीको सचिवालयले जनाएको छ। छलफलमा सुरक्षित वैदेशिक रोजगारीका लागि श्रमिक भर्ना प्रक्रिया, घरेलु श्रमिकको भर्ना सम्बन्धी लिइएको मापदण्ड, वैदेशिक रोजगारीको मागपत्र प्रमाणीकरण, खाडी र मलेसियामा कार्यरत नेपालीको श्रमिकको अवस्थाबारे राजदूतले जानकारी गराउने छन्। यस्तै, युरोप रोजगारीको विषयमा पनि छलफल हुने कार्यक्रम छ। पछिल्लो समय युरोपमा नेपाली श्रमिकको उच्च माग भएपछि श्रम मन्त्रालयले मागपत्र प्रमाणीकरणलाई सहजीकरण र संशोधन गर्नका लागि वैदेशिक रोजगारसम्बन्धी मागपत्र जाँच निर्देशिका बनाए पनि परराष्ट्रबाट अगाडि बढेको छैन। युरोपमा मागपत्र प्रमाणीकरण रोकिँदा संस्थागत रूपमा नेपाली श्रमिक युरोप जानबाट वञ्चित भइरहेका छन्।

News by प्रमुख श्रम गन्तव्य देशका राजदूत काठमाडौंमा, हुँदैछ यस्तो छलफल :