चैतन्य सम्बाददाता, Author at Chaitanya News - Page 149 of 1151
  • 2026-11-21
  • 09:41:56
  • शनिबार,मंसिर ०६, २०८३

About Author

मधेशका नेताहरूले प्रधानमन्त्रीलाई भनेः भएका सहमति कार्यान्वयनमा गम्भीर बन्नुस्

काठमाडौँ– मधेश केन्द्रित राजनीतिक दलका नेताहरूले प्रधानमन्त्री बालेन शाहसँग हालै भएका सहमति र समझदारीलाई प्रभावकारी रूपमा कार्यान्वयन गर्न आग्रह गरेका छन्। प्रधानमन्त्री तथा मन्त्रिपरिषद्को कार्यालयमा शुक्रबार भएको भेटवार्ताका क्रममा मधेश क्षेत्रमा देखिएको पछिल्लो अवस्थाबारे सरकारको ध्यानाकर्षण गराइएको राष्ट्रिय मुक्ति पार्टीका अध्यक्ष राजेन्द्र महतोले जानकारी दिएका छन्। भेटपछि सञ्चारकर्मीसँग कुरा गर्दै महतोले विगतका सरकारहरूले जस्तो सहमति गरेर पछि बेवास्ता गर्ने अवस्था आउन नहुने भन्दै यसपटक भएका सम्झौताप्रति सरकार जिम्मेवार हुनुपर्ने धारणा राखे। उनले मधेशमा उत्पन्न तनावपूर्ण परिस्थितिलाई नियन्त्रण गर्न राज्यले सक्रिय र संवेदनशील भूमिका निर्वाह गर्नुपर्ने बताए। सामाजिक अशान्तिको अवस्था अन्त्य गर्न सबै पक्षसँग सहकार्य गरेर अघि बढ्नुपर्नेमा आफूहरूले प्रधानमन्त्रीको ध्यानाकर्षण गराएको उनको भनाइ थियो। महतोले ढिलै भए पनि प्रधानमन्त्रीले देशका नाममा सम्बोधन गरेको विषय सकारात्मक रहेको उल्लेख गर्दै, यस्ता कदम यसअघि नै चालिएको भए पछिल्लो अवस्था फरक हुन सक्ने धारणा व्यक्त गरे। मधेशको अवस्था सामान्य बनाउन सरकार, राजनीतिक दल र सम्बन्धित सबै पक्षबीच सहकार्य आवश्यक रहेको भन्दै उनले समस्या समाधानका लागि आफूहरू सहयोग गर्न तयार रहेको बताए।

News by मधेशका नेताहरूले प्रधानमन्त्रीलाई भनेः भएका सहमति कार्यान्वयनमा गम्भीर बन्नुस् :