- 2026-05-30
- 13:39:20
- शनिबार,जेठ १६, २०८३
काठमाडौँ– गत वैशाखदेखि यही भदौ १४ गतेसम्म देशभर कूल तीन हजार दुई सय ८१ वटा विपद्का घटना घटेका छन्। ती घटनामा परेर दुई सय सात जनाको निधन भएको राष्ट्रिय विपद् जोखिम न्यूनीकरण तथा व्यवस्थापन प्राधिकरणले जानकारी दिएको छ।
राष्ट्रिय विपद् जोखिम न्यूनीकरण तथा व्यवस्थापन प्राधिकरणका अनुसार, विपदमा परेर २२ जना बेपत्ता भए भने सात सय ७४ जना घाइते भएका छन्। त्यसबाट पाँच हजार नौ सय ६३ परिवार प्रभावित भएका छन्।
प्राधिकरणका अनुसार सो अवधिमा घटेका विपद्का घटनामा सबैभन्दा धेरै आगलागी भएको छ। कूल एक हजार एक सय ९७ आगलागीका घटना भएका छन्। आगलागीमा परेर १५ जनाको निधन हुँदा एक सय ६५ घाइते भएका छन्।
बाढीका दुई सय ४३ घटना हुँदा २७ जनाको ज्यान गएको छ भने २२ बेपत्ता र १० घाइते भएका छन्। बाढीमा परेर एक हजार सात सय ७८ परिवार प्रभावित भएका छन्। सो अवधिमा तीन सय ६८ ठाउँमा पहिरो गएको छ। पहिरोमा परेर १८ जनाको निधन भएको छ भने २८ जना घाइते भएका छन्। पहिरोका कारण चार सय ८१ परिवार प्रभावित भएका छन्।
यस्तै, दुई सय ६६ वटा भारी वर्षाका विवरण प्राधिकरणले उपलब्ध गराएको छ। भारी वर्षाका कारण छ जनाको ज्यान जाँदा १२ घाइते भएका छन् भने सात यस ११ परिवार प्रभावित भएका छन्। कूल दुई सय ५८ चट्याङका घटना हुँदा ३१ जनाको ज्यान गएको छ। त्यसमा परेर एक सय ९३ जना घाइते भएका छन् भने तीन सय १७ घरपरिवार प्रभावित भएका छन्।
यसैगरी सर्प दंशका दुई सय ६८ घटना हुँदा ७२ जनाको ज्यान गएको छ। दुई सय दुई जना घाइते हुँदा दुई सय ७२ घरपरिवार प्रभावित भएका छन्। कूल एक सय ५८ वटा वन डढेलोको घटना हुँदा दुई जना घाइते र २७ परिवार प्रभावित भएका छन्। हावाहुरीका दुई सय ८० घटना हुँदा आठ जनाको निधन भएको छ भने ४१ जना घाइते भएका छन्। त्यसबाट पाँच सय ३६ घरपरिवार प्रभावित भएका छन्।
प्राधिकरणका अनुसार जनावर आक्रमणको घटनामा १५ जनाको निधन भएको छ। लेक लाग्नुका ४९, भूकम्प पाँच, डुंगा पल्टेर दुई असिना हुरी, असिना र महामारीले एकरएक घटना भएका छन्। प्राधिकरणले विपद्सँग जुध्नका लागि आवश्यक सतर्कता र सावधानी अपनाउन आग्रह गर्नुका साथै आवश्यक तयारीसमेत गरेको छ।
Copyright © Aishworya Prakashan Pvt. Ltd. All Rights Reserved. Design & Developed by 
