- 2026-06-02
- 13:08:40
- मंगलबार,जेठ १९, २०८३
काठमाडौँ– पूर्व अर्थमन्त्री वर्षमान पुनले वित्त नीति संकुचित भएकाले मौद्रिक नीति संयमित तवरले ल्याउनुपर्ने बताएका छन्।
आज (बुधबार) अर्थ समितिमा मौद्रिक नीतिबारे भएको छलफलमा बोल्दै पुनले वित्त नीति संकुचित भएकाले मौद्रिक नीति संयमित तवरले ल्याउनुपर्ने बताएका हुन्। पछिल्लो समय वित्त नीतिमा आएको संकुचनका कारणले आवधिक योजनामा राखिएको लक्ष्य भन्दा पनि बजेट कम हुँदै आएको छ।
यस्तै नयाँ गभर्नर आएपछि निजी क्षेत्रले डिपार्चर होस् भन्ने चाहेको समेत उनले बताए।
नयाँ गभर्नरबाट निजी क्षेत्रले आशा धेरै गरेको छ। मौद्रिक नीति ल्याउँदै हुनुहुन्छ संयमित खालको ल्याउनुहोला। बढी लचिलो नहोस्,’ पुनले भने, ‘विगतमा लचिलो ल्याइएका कारण अहिलेसम्म असर परिरहेको छ। मौद्रिक नीतिले नियमनको पक्षलाई जोड दिओस्। सरकारले स्टार्टअपलाई जोड दिँदै आएको छ मौद्रिक नीतिले त्यता फोकस गरोस्।’
उनका अनुसार मौद्रिक नीतिले सरकारका नीतिहरूलाई सर्पोर्ट गर्नुपर्छ। मुद्रास्फीति कम तर मजदुर गृहिणीले महसुस गर्न नपाएको अवस्था छ अहिले त्यतातर्फ राष्ट्र बैंकले ध्यान दिनुपर्छ।
मौद्रिक नीति खुकुलो सन्तुलित समग्र अर्थतन्त्रलाई चलायमान गर्ने खालको आउनुपर्ने उनले बताए। उनका अनुसार संघीयतामा मुलुक गएपछि हाम्रा वित्तीय संस्था अझै सोही अनुकूलका हुन सकेनन्।
Copyright © Aishworya Prakashan Pvt. Ltd. All Rights Reserved. Design & Developed by 
